உணவு தானியங்கள் உற்பத்தியில் புதிய சாதனை : அசத்திய விவசாயிகள்

இந்தியா உணவு உற்பத்தி

India Record in Food Grain Production 2025 : இந்தியாவில் பல்வேறு விதமான தானியங்கள் விளைவிக்கப்படுகின்றன. இவை நமது நாட்டின் தேவைக்கு போக, வெளிநாடுகளுக்கும் ஏற்றுமதி செய்யப்பட்டு, வருவாய் ஈட்டப்படுகிறது. இந்தியாவின் முதுகெலும்பாக திகழும் விவசாயிகள், தானியங்கள், காய்கறிகள், பழங்கள் உற்பத்தியில் முழு ஈடுபாட்டுடன் செயல்பட்டு சாதித்து வருகிறார்கள்.

தானிய உற்பத்தியில் புதிய சாதனை

இந்தநிலையில், மத்​திய வேளாண் அமைச்​சகம் வெளியிட்ட புள்ளி விவரத்தின் படி, 2024-25 ஆண்​டில் நெல்​,கோது​மை, சோ​யாபீன்ஸ், நிலக்​கடலை உள்​ளிட்ட உணவு தானி​யங்​களின் உற்​பத்தி சாதனை அளவாக 357.32 மில்​லியன் டன்னை தொட்​டுள்​ளது.

நெல் உற்பத்தியில் சாதனை

இது, முந்​தைய 2023-24 உணவு தானிய உற்​பத்​தி​யான 332.29 மில்​லியன் டன்​னுடன் ஒப்​பிடும்​போது 7.65 சதவீதம் அதி​க​மாகும். 2024-25 காரீப் பரு​வத்​தில் நெல் உற்​பத்தி 122.77 மில்​லியன் டன்னை எட்டி சாதனை படைத்​துள்​ளது. இது, முந்​தைய ஆண்டு உற்​பத்​தி​யான 113.25 மில்​லியன் டன்​னுடன் ஒப்​பிடும்​போது 8.39 சதவீதம் அதி​க​மாகும்.

கோதுமை விளைச்சலும் அமோகம்

இதே​காலத்​தில் கோதுமை 117.94 மில்​லியன் டன், சோ​யாபீன்ஸ் 15.26 மில்​லியன் டன், நிலக்​கடலை 11.9 மில்​லியன் டன் உற்​பத்​தி​யாகி புதிய உச்சத்தை எட்​டி​யுள்​ளது. தானிய உற்பத்தி அதிகரித்து இருப்பதால், விவசாயிகளுக்கும் நல்ல லாபம் கிடைக்கும், பொதுமக்களுக்கும் குறைந்த விலையில் உணவு தானியங்கள் விற்பனைக்கு வரும். ஏற்றுமதியும் அதிகரித்து வருவாய் உயரும்.

==========