'பெரிமெனோபாஸ்' குறித்து நடிகை த்ரிஷா பகிர்ந்த பதிவு! பெண்களுக்கான முக்கிய காலகட்டம் என்ன தெரியுமா?

Actress Trisha shares a post about 'perimenopause'! Do you know about this crucial phase for women?

பிரபல தென்னிந்திய நடிகை த்ரிஷா, பெண்களின் உடல்நலம் சார்ந்த ஒரு முக்கிய விழிப்புணர்வு விஷயத்தைத் தனது இன்ஸ்டாகிராம் பக்கத்தில் பகிர்ந்துள்ளார்.

மாதவிடாய் முற்றிலும் நிற்பதற்கு (மெனோபாஸ்) முந்தைய இடைப்பட்ட காலக்கட்டமான 'பெரிமெனோபாஸ்' (Perimenopause) பற்றி அவர் பதிவிட்டுள்ள கருத்து தான் தற்போது இணையத்தில் கவனம் ஈர்த்துள்ளது.

நடிகை த்ரிஷாவின் இன்ஸ்டா பதிவு

"பெரிமெனோபாஸ் என்பது உங்களின் 'மகிழ்ச்சி தரும் ஹார்மோன்கள்' (People-pleasing hormones) குறைந்து, எதைப் பற்றியும் கவலைப்படாத ஹார்மோன்கள் (IDGAF hormones) ஆதிக்கம் செலுத்தும் ஒரு நிலை என்று மருத்துவர் ஒருவர் கூறியதை நான் கேட்டிருக்கிறேன்.

இதைவிடச் சிறப்பாக என்னால் சொல்ல முடியாது" என்று த்ரிஷா ஒரு சுவாரசியமான மேற்கோளைப் பகிர்ந்துள்ளார்.

பெரிமெனோபாஸ் என்றால் என்ன? அறிவியல் விளக்கம்

அறிவியல் பூர்வமாக, ஒரு பெண் மெனோபாஸ் நிலையை அடைவதற்கு முன்பு அவளது உடலில் ஏற்படும் இயற்கையான உயிரியல் மாற்றமே பெரிமெனோபாஸ் ஆகும்.

பொதுவாக 35 அல்லது 40 வயதிற்குப் பிறகு, பெண்களின் கருப்பை ஈஸ்ட்ரோஜன் மற்றும் புரோஜெஸ்டிரோன் ஹார்மோன்கள் உற்பத்தியைப் படிப்படியாகக் குறைக்கும்.

முக்கிய அறிகுறிகள்

இந்த ஹார்மோன் சமநிலையின்மையால் மாதவிடாய் சுழற்சி சீரற்று மாறும். மேலும், திடீரென ஏற்படும் உடல் எரிச்சல் (Hot flashes) மற்றும் மனநிலை மாற்றங்கள் (Mood swings) போன்றவை இதன் முக்கிய அறிகுறிகளாகும். இந்த நிலை சில ஆண்டுகள் வரை நீடிக்கலாம்.

மெனோபாஸ் எப்போது ஏற்படும்

ஒரு பெண்ணுக்கு தொடர்ந்து 12 மாதங்கள் மாதவிடாய் ஏற்படாமல் இருந்தால் மட்டுமே அவர் 'மெனோபாஸ்' நிலையை அடைந்துள்ளதாகக் கருதப்படும்.

முன்பு இது குறித்து பலரும் பேசத் தயங்கிய நிலையில், தற்போது த்ரிஷா போன்ற பிரபலங்கள் விழிப்புணர்வு ஏற்படுத்துவது ஆரோக்கியமான மாற்றமாகப் பார்க்கப்படுகிறது.

=====