Dhanush New Movie Oom Title Teaser Released | Director Rajkumar Periasamy
ராஜ்குமார் பெரியசாமி இயக்கத்தில் தனுஷ்
கோலிவுட் திரையுலகில் தொடர் வெற்றிகளைக் கொடுத்து வரும் நடிகர் தனுஷ், அடுத்ததாக 'அமரன்' திரைப்படத்தின் பிரம்மாண்ட வெற்றியைத் தந்த இயக்குநர் ராஜ்குமார் பெரியசாமி இயக்கத்தில் நடிக்க உள்ளார்.
ஓம் டைட்டில் டீசர் வெளியீடு
இவர்களின் கூட்டணியில் உருவாகும் புதிய திரைப்படத்திற்கு ‘ஓம்’ என பெயரிடப்பட்டு, அதன் பிரத்யேக டைட்டில் டீசரை படக்குழுவினர் அதிகாரப்பூர்வமாக வெளியிட்டுள்ளனர்.
தனுஷின் தயாரிப்பு நிறுவனம்
இந்தத் திரைப்படத்தை தனுஷின் தயாரிப்பு நிறுவனமான வொண்டர்பார் ஸ்டூடியோஸ் மற்றும் ஆர் டேக் ஸ்டூடியோஸ் ஆகிய நிறுவனங்கள் இணைந்து மிக பிரம்மாண்டமாக தயாரிக்கின்றன.
சமீபத்திய சென்சேஷனல் ஹிட் பாடல்களைக் கொடுத்த சாய் அபயங்கர் இந்த திரைப்படத்திற்கு இசையமைக்கிறார்.
நட்சத்திரப் பட்டாளம் மற்றும் மாரி 2 சென்டிமென்ட்
இத்திரைப்படத்தில் நடிகர் தனுஷுடன் இணைந்து மலையாளத் திரையுலகின் முன்னணி சூப்பர் ஸ்டார் மம்முட்டி, தென்னிந்தியாவின் முன்னணி நடிகைகளான ஸ்ரீலீலா மற்றும் சாய் பல்லவி ஆகியோர் மிக முக்கியமான கதாபாத்திரங்களில் நடிக்க ஒப்பந்தமாகியுள்ளனர்.
ராஜ்குமார் பெரியசாமி, சாய் பல்லவி
'அமரன்' படத்தின் பிரம்மாண்ட வெற்றியைத் தொடர்ந்து இயக்குநர் ராஜ்குமார் பெரியசாமியுடன் சாய் பல்லவி மீண்டும் இணையும் இரண்டாவது படம் இதுவாகும்.
தனுஷ், சாய் பல்லவி ஜோடி
மேலும், தனுஷ் மற்றும் சாய் பல்லவி கூட்டணியில் வெளியான 'மாரி 2' திரைப்படம் மற்றும் அதன் 'ரவுடி பேபி' பாடல் உலகளவில் மிகப்பெரிய ஹிட்டடித்த நிலையில், இவர்களின் கூட்டணி மீண்டும் இணைந்திருப்பது ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.
காடும், காடு சார்ந்த கதைக் களம்
தற்போது வெளியாகியுள்ள இந்த டைட்டில் டீசர் இணையத்தில் ட்ரெண்டாகி வருகிறது. இத்திரைப்படம் மரம் வெட்டும் தொழிலில் ஈடுபடும் தொழிலாளர்களின் வாழ்வியலையும், அவர்கள் சந்திக்கும் சவால்களையும் மையமாகக் கொண்டு அழுத்தமான கதைக் களத்துடன் உருவாக்கப்பட்டுள்ளது.
அதற்கு ஏற்றாற்போல் டீசரின் காட்சிகள் முழுவதும் அடர்ந்த காடும், காடு சார்ந்த இயற்கைச் சூழலும் என மிகவும் மிரட்டலாகப் பதிவு செய்யப்பட்டுள்ளன.
பாகங்களாக வெளியாகும் 'ஓம்'
இந்த திரைப்படம் ஒரே பாகமாக இல்லாமல், வெவ்வேறு பாகங்களாக வெளியாக உள்ளதாகத் தெரிகிறது. அதனை உறுதிப்படுத்தும் விதமாக, இந்த முதல் பாகத்திற்கு Uthiram: The Bleed Wood என்ற சப்-டைட்டில் வைக்கப்பட்டுள்ளது.
அக்டோபர் 16 -ல் ரிலீஸ்
அனைத்து தரப்பு ரசிகர்களையும் கவரும் வகையில் உருவாகி வரும் இந்த 'ஓம்' திரைப்படம் வரும் அக்டோபர் 16-ம் தேதி உலகம் முழுவதும் உள்ள திரையரங்குகளில் பிரம்மாண்டமாக வெளியாக உள்ளது.
=====