எம்.எஸ். சுப்புலட்சுமி படத்தில் சாய் பல்லவி : வெளியான தகவல்!

எம்.எஸ்.சுப்புலட்சுமி. வாழ்க்கை வரலாறு படம்

Sai Pallavi Lead Role in M.S. Subbulakshmi Biographical Movie in Tamil : உலகளவில் பிரபலமான கர்நாடக இசைக் கலைஞர் எம்.எஸ்.சுப்புலட்சுமி. இந்தியாவில் வழங்கப்படும் உயரிய விருதான பாரத ரத்னா விருது பெற்றவர்கள் வரிசையில் முதல் இசைக் கலைஞர் இவர்தான். இவருடைய வாழ்க்கை வரலாற்றை மையமாக வைத்து படமொன்றை உருவாக்க இருக்கிறார்கள். இதனை கீதா ஆர்ட்ஸ் நிறுவனம் தயாரிக்கவுள்ளது.

எம்.எஸ்.சுப்புலட்சுமி படத்தை இயக்கும் கெளதம் தின்னூரி

எம்.எஸ்.சுப்புலட்சுமி பயோ-பிக்கை இயக்குநர் கெளதம் தின்னூரி இயக்கவுள்ளார். இவர் ‘ஜெர்சி’, ‘மல்லி ராவா’ மற்றும் ‘கிங்டம்’ உள்ளிட்ட படங்களை இயக்கியவர். இதற்கான திரைக்கதை அமைக்கும் பணிகள் மும்முரமாக நடைபெற்று வருகின்றன. இதில் எம்.எஸ்.சுப்புலட்சுமி கதாபாத்திரத்தில் நடிக்க சாய் பல்லவியிடம் பேச்சுவார்த்தை நடத்தியிருக்கிறார்கள்.

சாய் பல்லவியும் சம்மதம் தெரிவித்திருப்பதாக கூறப்படுகிறது. விரைவில் அனைத்தும் முடிவானவுடன் முறையாக அறிவிக்கவுள்ளது படக்குழு. கீதா ஆர்ட்ஸ் நிறுவனம் தயாரிப்பில் வெளியான ‘தண்டேல்’ படத்தில் நாயகியாக நடித்தவர் சாய் பல்லவி. அந்த நட்பின் மூலம் எம்.எஸ்.சுப்புலட்சுமி பயோப்பிக்கிலும் நடிக்க அணுகியிருக்கிறார்கள் என்று தகவல் வெளியாகியுள்ளது.

சாய் பல்லவியின் கெரியரில் நல்லதொரு இடத்தை பிடிக்கும்

சாய் பல்லவி பிரேமம், அமரன் என்று பல்வேறு படங்களில் தனது தனித்துவத்தை காட்டி தனக்கென ஒரு ரசிகர் பட்டாளத்தை வதை்துள்ளார். இதைத்தொடர்ந்து, அவரது மார்க்கெட் முன்னேறி வருவதால், தற்போது இந்த அறிவிப்பு வெளிவந்துள்ளது அவரது ரசிகர்களை குஷிப்படுத்தியுள்ளது. ஆனால் இது உறுதியானால், சாய் பல்லவியின் சினிமா கெரியரில் இது ஒரு தக்க இடத்தை பெறும் என்று எதிர்பார்க்கப்படுகிறது.