மா வந்தே படம் குறித்த அப்டேட் வெளியீடு
PM Narendra Modi Biographical Film Maa Vande Movie Update in Tamil : பிரதமர் நரேந்திர மோடியின் வாழ்க்கை வரலாறு படமாக்கப்பட இருப்பதாகவும் அதில் நடிக்கவிறுக்கும் நடிகர் குறித்த அறிவிப்பும் சமீபத்தில் வெளியானது. இதன் தகவல் அதிகாரப்பூர்வமாக வெளியாகி இருந்தாலும், சினிமா வட்டாரங்கள் மத்தியில் இதில் ஒரு சந்தேகம் இருந்து கொண்டே இருந்தது.
இந்த நிலையில், தற்போது இதுகுறித்த அப்டேட் ஒன்று வெளியாகி படம் குறித்த முந்தைய அறிவிப்பை உறுதிப்படுத்தியுள்ளது. கடந்த செப்டம்பர் மாதம் 17-ம் தேதி பிரதமர் மோடி தனது 75-வது பிறந்த நாளை கொண்டாடினார். அப்போது, அவரது வாழ்க்கை வரலாற்று திரைப்படமாக ‘மா வந்தே’ உருவாக்குவது குறித்த அறிவிப்பு வெளியானது. திரைப்படத்தை ‘சில்வர் காஸ்ட் கிரியேஷன்ஸ்’ வீர் ரெட்டி தயாரிக்கிறார்.
படபூஜை புகைப்படங்கள் வெளியாகி வைரல்
முன்னதாக வெளிவந்த தகவலில் பிரதமர் மோடியாக மலையாள நடிகர் உன்னி முகுந்தன் நடிக்கிறார். படத்தை கிராந்தி குமார் இயக்குகிறார். இப்படத்துக்கு ரவி பஸ்ரூர் இசையமைக்கிறார். இந்த படத்தின் படப்பிடிப்பு பூஜையுடன் தொடங்கி உள்ளது. இது குறித்த புகைப்படங்கள் வெளியாகி இணையத்தில் வைரலாகி வருகின்றன. இதற்கு பலரும் தங்களது கருத்துக்களை பதிவு செய்து ஷேர் செய்து வருகின்றனர்.
பிரதமர் மோடி தன் தாய் மீது வைத்த பாசமே படத்தின் மைய கரு
இதைத்தொடர்ந்து, இந்தப் படம் இந்திய அளவில் ஆங்கிலம் உள்ளிட்ட பல மொழிகளில் வெளியாக உள்ளது குறிப்பிடத்தக்கது. சிறு வயதில் இருந்து நாட்டின் பிரதமர் வரை உயர்ந்த மோடியின் வாழ்க்கையை இந்த திரைப்படம் உண்மை சம்பவங்கள் மற்றும் உணர்வுப் பூர்வமான நிகழ்ச்சிகளை வெளிப்படுத்தும் என்று அறிவிக்கப்பட்டுள்ளது.
குறிப்பாக பிரதமர் மோடியின் வெற்றிக்கு அடித்தளமாக இருந்த அவரது தாயார் ஹீராபென்னிடம் பிரதமர் மோடி வைத்திருந்த பாசம், மரியாதை போன்றவை இத்திரைப்படத்தில் உணர்வுப்பூர்வமாக எடுத்துரைக்கப்பட உள்ளது என படக்குழு தரப்பில் தகவல் வெளிவந்து்ளளது. தற்போது படப்பிடிப்பு பூஜையுடன் தொடங்கியுள்ள நிலையில், இப்படம் ஓராண்டுக்குள் வெளிவரும் என்று எதிர்பார்க்கப்படுவதாகவும் நெட்டிசன்கள் தங்களின் கருத்துக்களை சமூக வலைதளங்களில் பதிவிட்டு வருகின்றனர்.