கோலிவுட்டில் மாஸ் எண்ட்ரி கொடுக்கும் ரஜினியின் பேரன்! : தனுஷ் இயக்கத்தில் ஹீரோவாகும் மகன் யாத்ரா?

Rajini's grandson makes a grand entry into Kollywood! Will son Yatra become a hero under Dhanush's direction?

தந்தை இயக்கத்தில் மகன்

தமிழ்த் திரையுலகில் தற்போது மிக பிசியான முன்னணி நடிகராகவும், இயக்குநராகவும் வலம் வருபவர் நடிகர் தனுஷ்.இருப்பினும் இவர் நடிப்பில் கடந்த ஏப்ரல் மாதம் வெளியான 'கர' திரைப்படம் பாக்ஸ் ஆபீஸில் பெரிய அளவில் கலெக்‌ஷன் செய்யவில்லை.

இதனைத்தொடர்ந்து 'அமரன்' பட இயக்குநர் ராஜ்குமார் பெரியசாமி இயக்கத்தில், மலையாள சூப்பர் ஸ்டார் மம்மூட்டியுடன் இணைந்து ஒரு பிரம்மாண்ட படத்தில் தனுஷ் நடிக்க உள்ளதாக கூறப்படுகிறது.

தனுஷின் அடுத்த படம்

இதற்கிடையே தற்போது தனுஷ் அடுத்ததாக இயக்கவிருக்கும் படம் குறித்து தற்போது தகவல் வெளியாக உள்ளது. தனது மூத்த மகனும் சூப்பர்ஸ்டார் ரஜினிகாந்தின் பேரனுமான யாத்ராவை தனுஷ் இயக்க உள்ளதாக சினிமா வட்டாரங்களில் பேசப்பட்டு வருகிறது.

ஹீரோவாக களமிறங்கும் சூப்பர் ஸ்டாரின் பேரன்

சினிமாவில் சூப்பர் ஸ்டார் ரஜினிகாந்த், சௌந்தர்யா,ஐஸ்வர்யா என அவரது இரு மகள்கள் மற்றும் மருமகன் தனுஷைத் தொடர்ந்து, தற்போது ரஜினியின் குடும்பத்திலிருந்து அடுத்த வாரிசாக அவரது மூத்த பேரன் சினிமாவுக்குள் நுழையவிருக்கிறார்.

தனுஷ் அடுத்ததாக இயக்கவுள்ள புதிய திரைப்படத்தில், அவரது மூத்த மகனான யாத்ரா கதாநாயகனாக அறிமுகமாக உள்ளதாகக் கூறப்படுகிறது.

முன்னதாக தனுஷ் இயக்கத்தில் மருமகன்

ஏற்கனவே தனது இயக்கத்தில் வெளியான 'நிலவுக்கு என்மேல் என்னடி கோபம்' திரைப்படத்தின் மூலம், தன்னுடைய அக்கா மகன் பவிஷை தனுஷ் அறிமுகப்படுத்தியிருந்தார்.

இப்போதே அதே பாணியில், தனது மூத்த மகனையும் தன் இயக்கத்தின் மூலமாகவே களமிறக்க அவர் முழு பிளான் செய்துள்ளதாக கூறப்படுகிறது.

‘டி56’ படத்தின் முக்கிய ரகசிய விவரங்கள்

• இயக்கம்: தனுஷ்

• கதாநாயகன்: யாத்ரா

• தயாரிப்பு: தனுஷின் 'டி55' திரைப்படத்தைத் தயாரிக்கும் 'R டேக் சினிமாஸ்' நிறுவனம்

• ஒளிப்பதிவு: வேல்ராஜ்

• இசை: ஜி.வி. பிரகாஷ் குமார்

படப்பிடிப்பு எப்போது?

யாத்ரா - தனுஷ் கூட்டணியில் உருவாகும் இந்த 'டி56' திரைப்படத்தின் அதிகாரப்பூர்வ படப்பிடிப்பு இந்த ஆண்டு இறுதியிலோ அல்லது அடுத்த ஆண்டு (2027) தொடக்கத்திலோ தொடங்குவதற்கு அதிக வாய்ப்புகள் உள்ளதாகக் கூறப்படுகிறது.

மேலும், இத்திரைப்படத்தில் யாத்ராவுடன் இணைந்து நடிக்க கோலிவுட்டின் பல முன்னணி நட்சத்திரங்களிடம் பேச்சுவார்த்தை தீவிரமாக நடந்து வருவதாகவும் கூறப்படுகிறது. எனினும் இதுகுறித்து எந்த விதமான அதிகாரப்பூர்வ தகவலும் இதுவரை வெளியாகவில்லை என்பது குறிப்பிடத்தக்கது.

=====