அதிவேக அரைசத பட்டியலில் அபிஷேக் சர்மா : வெற்றியை தழுவிய இந்தியா!

14 பந்துகளில் அரை சதம்

abhishek sharma stats இந்தியாவின் இளம் தொடக்க ஆட்டக்காரர் அபிஷேக் சர்மா டி20 போட்டிகளில் இந்திய வீரர்களில் இரண்டாவது வேகமான அரைசதத்தை அடித்து சாதனைப் புத்தகங்களில் இடம்பிடித்துள்ளார்.

நியூசிலாந்துக்கு எதிராக நடந்த போட்டியில் அவர் இந்த சாதனையை நிகழ்த்தினார். அபிஷேக் சர்மா வெறும் 14 பந்துகளில் தனது அரைசதத்தை அடித்து இந்தியாவின் வெற்றிக்கு உறுதுணையாக இருந்தார்.

யுவராஜே முதலிடம்

யுவராஜ் சிங் முதலிடம் டி20 போட்டிகளில் அதிவேக அரைசதம் அடித்த சாதனை யுவராஜ் சிங்கிடம் உள்ளது. அவர் 2007 டி20 உலகக் கோப்பையில் இங்கிலாந்துக்கு எதிராக வெறும் 12 பந்துகளில் 50 ரன்கள் எடுத்தார்.

ஸ்டூவர்ட் பிராட் பந்துவீச்சில் ஆறு சிக்ஸர்களை விளாசிய இந்த இன்னிங்ஸ், கிரிக்கெட் வரலாற்றில் மறக்க முடியாத தருணங்களில் ஒன்றாகும்.

இன்றுவரை யுவராஜ் ரசிகர் என்பதை தாண்டி,யுவராஜின் டி20 மேட்ச் குறிப்பாக 12 பந்துகளில் 50 ரன் மேட்க்கு மிகப்பெரிய ரசிகன் என்று மாபெரும் பட்டாளமே தற்போது வரை இருக்கிறது என்றால் மிகையாகாது.

அபிஷேக் சர்மாவின் அதிரடியால் 10 ஓவர்களில் வெற்றி

அபிஷேக் சர்மா தனது அரைசதத்தின் மூலம், டி20 போட்டிகளில் 25 அல்லது அதற்கும் குறைவான பந்துகளில் 50 ரன்களை எட்டுவதில் இந்திய கேப்டன் சூர்யகுமார் யாதவை முந்தியுள்ளார்.

அபிஷேக் சர்மா 25 பந்துகளுக்குள் ஒன்பது டி20 அரைசதங்களை அடித்துள்ளார்.இது சூர்யகுமார் யாதவின் எட்டு அரைசதங்களை விட அதிகமாகும்.

இந்திய அணி அபார வெற்றி இந்த மின்னல் வேக அரைசதத்துடன், அபிஷேக் சர்மா டி20 போட்டிகளில் 1200 ரன்களையும் கடந்தார்.

அவர் வெறும் 36 இன்னிங்ஸ்களில் இந்த மைல்கல்லை எட்டினார். அபிஷேக் சர்மா இன்றைய போட்டியில் வெறும் 20 பந்துகளில் ஏழு பவுண்டரிகள் மற்றும் ஐந்து சிக்ஸர்களுடன் 340 ஸ்ட்ரைக் ரேட்டில் 68 ரன்கள் எடுத்து அசத்தினார்.

அபிஷேக் சர்மாவின் அரைசதம் மற்றும் சூர்யகுமார் யாதவின் அதிரடியால் (26 பந்தில் 57 ரன்) இந்தியா 154 ரன்கள் இலக்கை வெறும் 10 ஓவர்களில் எட்டி 8 விக்கெட் வித்தியாசத்தில் அபார வெற்றி பெற்றது.