நார்வே - பிரேசில் மோதல்
2026 பிஃபா உலகக் கோப்பை கால்பந்து தொடரின் ரவுண்ட் ஆஃப் 16 சுற்றில் எதிர்பாராத திருப்பங்கள் நடந்து வருகின்றன. ஒரு ஆட்டத்தில் நார்வே - பிரேசில் அணிகள் பலப்பரீட்சை நடத்தின.
எர்லிங் ஹாலண்ட் 2 கோல்கள்
நார்வே அணியின் சூப்பர் ஸ்டார் எர்லிங் ஹாலண்ட் கடைசி 11 நிமிடங்களில் அடித்த 2 கோல்கள் பிரேசிலின் கதவுகளை அடைத்ததோடு, நார்வே கால்பந்து வரலாற்றில் புதிய அத்தியாயத்தையும் எழுதியது.
இந்த உலகக் கோப்பையில் இந்த 2 கோல்களும் சூப்பர் ஸ்டார் ஹாலண்டின் 6 மற்றும் 7-வது கோல் ஆகும். எம்பாப்பே, மெஸ்ஸி, ரொனால்டோவுக்கு எந்த விதத்திலும் தான் சளைத்தவரல்ல என்பதை நிரூபித்து இருக்கிறார் ஹாலண்ட்.
ஆறுதல் கோல் அடித்த நெய்மர்
தனது கடைசி உலகக் கோப்பையை ஆடும் நெய்மர் ஒரு பெனால்டி வாய்ப்பை கோலாக மாற்றி பிரேசிலுக்கு ஆறுதல் கோலை அடித்தார். ஆனால், அவரால் பிரேசிலை தோல்வியில் இருந்து காப்பாற்ற முடியவில்லை. இதனால் நெய்மரும் ஸ்டேடியத்தில் இருந்த பிரேசில் ரசிகர்களும் கண்ணீர் சிந்தினர்.
பிரேசில் நட்சத்திர வீரர்
பிரேசில் அணிக்காக விளையாடிய மிகச் சிறந்த ஆட்டக்காரர்களில் ஒருவரான நெய்மர் ஜூனியர், இந்த தோல்விக்கு பிறகு சர்வதேச கால்பந்தாட்டத்திலிருந்து விலக முடிவு செய்தார்.
முடிவுக்கு வந்த கால்பந்து பயணம்
கண்ணீர் சிந்தியவாறே இந்த அறிவிப்பினை அவர் வெளியிட்டார். 129 போட்டிகளில் 80 கோல்கள் அடித்து, நாட்டின் மிக அதிக கோல் அடித்த வீரர் என்ற சாதனையுடன் நெய்மரின் 16 ஆண்டுகால சர்வதேச கால்பந்து பயணம் முடிவுக்கு வருகிறது.
தொடங்கிய இடத்தில் முடிவு
2010ல் நெய்மர் அறிமுகமான அதே மெட்லைஃப் ஸ்டேடியத்தில் (MetLife Stadium) தான் அவரது கடைசிப் போட்டியும் அமைந்தது.
பார்சிலோனா மற்றும் பாரிஸ் செயின்ட் ஜெர்மைன் அணிகளின் முன்னாள் நட்சத்திரமான அவர், நார்வேக்கு எதிராக பெனால்டி மூலம் கோல் அடித்த போதிலும், பிரேசில் தொடரிலிருந்து வெளியேறுவதைத் தடுக்க முடியாமல் போனது.
நார்வேயால் பிரேசில் வெளியேற்றப்பட்டபோது நெய்மர் முற்றிலும் ஆறுதல்படுத்த முடியாத நிலையில் இருந்தார்.
அவர் இடைவிடாது அழுத காட்சிகள் ரசிகர்களின் இதயங்களை உடைத்தன. பிரேசில் சக வீரர்கள் பலரும் அவரைத் தேற்ற முயன்றனர், ஆனால் அவர் முற்றிலும் மனமுடைந்து காணப்பட்டார்.
முயன்றேன் எல்லாம் முடிந்து விட்டது
"நான் முயன்றேன், இப்போது எல்லாம் முடிந்துவிட்டது. நான் இங்கேயே தொடங்கினேன்; இங்கேயே முடித்துவிட்டேன்," என்று போட்டியின் பின்னர் தெரிவித்தார்.
பிரேசில் அணிக்கான அவரது காலம் முடிவடைந்தாலும், நெய்மர் தனது கிளப் வாழ்க்கையை சாண்டோஸ் எஃப்சி அணியுடன் தொடர்வார்.
==================