கிராண்ட் செஸ் தொடர் : பிரக்ஞானந்தாவை வென்றார் குகேஷ்

கிராண்ட் செஸ் தொடரின் 10வது சீசன் குரேஷியாவில் நடைபெற்று வருகிறது. உலகின் முன்னணி செஸ் வீரர்களான இந்தியாவின் குகேஷ், பிரக்ஞானந்தா, நார்வேயின் மாக்னஸ் கார்ல்சன் உட்பட 10 பேர் பங்கேற்று விளையாடி வருகின்றனர்.

'ரேபிட்' முறையில் போட்டி :

முதலில் 'ரேபிட்' முறையில் போட்டி நடக்கிறது. முதல் நாளில் 3 சுற்று போட்டிகள் நடந்தன. முதல் சுற்றில் குகேஷ், போலந்தின் ஜான் டுடாவிடம் தோல்வியடைந்தார். பின் சுதாரித்த குகேஷ், அடுத்த சுற்றில் பிரான்சின் அலிரேசாவை வென்றார். 3வது சுற்றில் குகேஷ் - பிரக்ஞானந்தா மோதினர்.

குகேஷ் - பிரக்ஞானந்தா மோதல் :

கருப்பு நிறக் காய்களுடன் களமிறங்கிய குகேஷ், 38 வது நகர்த்தலில் வெற்றி பெற்றார். முதல் 3 சுற்றுகளின் முடிவில் கார்ல்சன் (4.0), ஜான் டுடா (4.0), அமெரிக்காவின் வெஸ்லே (4.0), குகேஷ் (4.0) 'டாப்-4' இடங்களில் உள்ளனர்.

முதல் இரு சுற்றுகளை 'டிரா' செய்த பிரக்ஞானந்தா (2.0) கடைசி இடத்தில் (10) உள்ளார்.

====