IPL 2026: Vaibhav Suryavanshi Sets Another World Record at Age 15 – Jos Buttler's Record Broken!
வைபவ் சூர்யவன்ஷி மீண்டும் உலக சாதனை
ஐபிஎல் 2026 டி20 கிரிக்கெட் தொடரில், ராஜஸ்தான் ராயல்ஸ் அணியின் 15 வயது இளம் வீரர் வைபவ் சூர்யவன்ஷி அடுத்தடுத்து புதிய உலக சாதனைகளைப் படைத்து ஒட்டுமொத்த கிரிக்கெட் உலகையும் தன் பக்கம் ஈர்த்துள்ளார்.
குவாலிஃபையர் சுற்று
நியூ சண்டிகரில் நடைபெற்ற குவாலிஃபையர் 2 போட்டியில் குஜராத் டைட்டன்ஸ் அணிக்கு எதிராக அதிரடியாக விளையாடிய சூர்யவன்ஷி, வெறும் 32 பந்துகளில் 56 ரன்கள் குவித்தார்.
ஜோஸ் பட்லரின் சாதனை முறியடிப்பு
இந்த ஆட்டத்தின் 14-வது ஓவரில் தனது 129-வது பவுண்டரியை அடித்ததன் மூலம், ஒரே ஐபிஎல் தொடரில் அதிக பவுண்டரிகள் விளாசிய ஜோஸ் பட்லரின் 128 பவுண்டரிகள் என்ற முந்தைய உலக சாதனையை வைபவ் முறியடித்துள்ளார்.
நடப்புத் தொடரில் இவர் இதுவரை 62 பவுண்டரிகள் மற்றும் 67 சிக்ஸர்களைக் குவித்துள்ளது குறிப்பிடத்தக்கது.
எலிமினேட்டர் ஆட்டத்திலும் அதிவேகம்
முன்னதாக சன்ரைசர்ஸ் ஹைதராபாத் அணிக்கு எதிரான எலிமினேட்டர் போட்டியிலும் வைபவ் சூர்யவன்ஷி அதிரடி புயலாக மாறினார். 5 பவுண்டரிகள், 12 சிக்ஸர்களுடன் வெறும் 29 பந்துகளில் 97 ரன்கள் குவித்து அசத்தினார்.
இவரின் இந்த மின்னல் வேக இன்னிங்ஸ் மூலம் ராஜஸ்தான் அணி 243/8 என்ற இமாலய இலக்கை எட்டி, 47 ரன்கள் வித்தியாசத்தில் அபார வெற்றி பெற்றது.
சாதனைகளின் நாயகன் வைபவ் சூர்யவன்ஷி
700 ரன்கள் கடந்த இளம் வீரர்
63 நாட்களில் ஒரே ஐபிஎல் சீசனில் 700 ரன்களைக் கடந்த மிக இளம் வயது வீரர் என்ற அரிய சாதனையை வைபவ் சூர்யவன்ஷி தொடர்ந்து படைத்து வருகிறார்.
சாய் சுதர்சன் சாதனை முறியடிப்பு
இதற்கு முன் 2025 தொடரில் குஜராத் அணியின் சாய் சுதர்சன் 700 ரன்களை எட்டியபோது அவரது வயது 23. இந்த சாதனையை தனது 15 வயதிலேயே தற்போது சூர்யவன்ஷி முறியடித்துள்ளார்.
அன்-கேப்டு வீரரின் அதிரடி ஆட்டம்
சர்வதேச போட்டிகளில் விளையாடாத ஒரு அன்-கேப்டு வீரர், ஒரே சீசனில் 700 ரன்களுக்கு மேல் குவித்து ஆரஞ்சு கேப் பந்தயத்தில் முன்னணியில் இருப்பது ஐபிஎல் வரலாற்றிலே இதுவே முதல்முறையாகும்.
டாப் ஸ்டாராக சூர்யவன்ஷி
இதன்மூலம் தொடர்ந்து சிறப்பான ஃபார்மில் இருக்கும் 15 வஹ்யதே ஆன இளம் வீரர் வைபவ் சூர்யவன்ஷி, நடப்பு ஐபிஎல் தொடரின் டாப் ஸ்டாராக உருவெடுத்துள்ளார் என்பதில் சந்தேகமில்லை.
=====