தேசிய ஜனநாயக கூட்டணி
BJP Criticized Congress : பிஹார் சட்டப்பேரவைத் தேர்தலில் பதிவான வாக்குகள் நேற்று எண்ணப்பட்டது. ஆளும் ஐஜத - பாஜக தலைமையிலான தேசிய ஜனநாயகக் கூட்டணி கடந்த 2020-ம் ஆண்டு தேர்தலை விட அதிக வாக்குகளை பெற்று தொகுதிகளைக் கைப்பற்றி மாபெரும் வெற்றியை பதிவு செய்தது. இந்த வெற்றியை அதிகாரப்பூர்வ அறிவிப்பிற்கு முன்னரே தேசிய ஜனநாயக கூட்டணியை சேர்ந்தவர்கள், விளையாட ஆரம்பித்தனர்.
அமித் மாளவிய காங்கிரஸின் தோல்வி குறித்து பதிவு
இதுகுறித்து பாஜக ஐ.டி. பிரிவு தலைவர் அமித் மாளவியா நேற்று சமூக வலைதளத்தில் ஒரு வரைபடம் வெளியிட்டார். அதில் ராகுல் காந்தி சந்தித்த தேர்தல்களில் அடைந்த தோல்விகள் குறித்து பட்டியலிட்டுள்ளார்.
இதுகுறித்து அமித் மாளவியா வெளியிட்ட பதிவில், ‘‘இன்னொரு தேர்தல், இன்னொரு தோல்வி. கடந்த 2004-ம் ஆண்டு முதல் 2025-ம் ஆண்டு வரை கடந்த 20 ஆண்டுகளில் ராகுல் காந்தியின் வழிகாட்டுதலில் காங்கிரஸ் கட்சி பல மாநிலங்களில் ஆட்சியை இழந்துள்ளது.
தேர்தல் நிலைத்தன்மைக்கு விருது வழங்கலாம் என்றால், எல்லா விருதுகளையும் ராகுல் காந்தி தட்டிச் செல்வார்’’ என்று விமர்சித்துள்ளார்.
20 ஆண்டுகளாக காங்கிரஸ் தோல்வி அடைந்த மாநிலங்கள்
அமித் மாளவியா வெளியிட்ட வரைபடத்தில், இமாச்சல் (2007, 2017), பஞ்சாப் (2007, 2012, 2022), குஜராத் ( 2007, 2012, 2017, 2022), மத்திய பிரதேசம் ( 2008, 2013, 2018, 2023), மகாராஷ்டிரா (2014, 2019, 2023) மற்றும் டெல்லி, ஹரியானா, உ.பி., பிஹார், வடகிழக்கு மாநிலங்கள், ஒடிசா, ஆந்திரா யூனியன் பிரதேசங்கள் என மொத்தம் 95 தேர்தல்களில் ராகுல் காந்தியின் கீழ் காங்கிரஸ் கட்சி தோல்விகளை சந்தித்துள்ளது என்று கூறப்பட்டுள்ளது.
காங்கிரஸின் இந்த தோல்வியால், பீகார் காங்கிரஸ் தொண்டர்கள், விரக்தியில் இருக்கும் நிலையில், இதர மாநிலங்களில் உள்ள காங்கிரஸ் கூட்டணி கட்சிகள், ஆழமாக சிந்திக்கும் நிலைக்கு தள்ளப்பட்டுள்ளனர்.
===