Cyclone 'Akwan', is intensifying into severe cyclonic storm, cross coast in Andhra Pradesh on 20th source:thamizhalai,ai generated
இந்தியா

”தீவிர புயலாக ஆந்திராவில் கரையை கடக்கும் ‘அக்வான்’ : சென்னை, செங்கல்பட்டு, திருவள்ளூரில் நாளை மிக கனமழை எச்சரிக்கை..!

வங்கக் கடலில் நிலை கொண்டுள்ள அக்வான் தீவிர புயலாக வலுப்பெற்று, 20ம் தேதி ஆந்திராவில் கரையை கடக்கிறது.

Kannan

தீவிர புயலாக ’அக்வான்’

வங்​கக்​கடலில் நில​விய ஆழ்ந்த காற்​றழுத்த தாழ்வு மண்​டலம் நேற்று ‘அக்​வான்’ புய​லாக மாறியது. இது மிகத் தீவிர புய​லாக இன்று மாலை வலுப்பெறுவதாக வானிலை மையம் தெரிவித்துள்ளது. ​

மத்திய மேற்கு வங்கக் கடலில் நீடிக்கிறது

இது​தொடர்​பாக சென்னை வானிலை ஆய்வு மையம் வெளி​யிட்ட செய்​திக்​குறிப்பு: வங்​கக்​கடலில் நிலவிய ஆழ்ந்த காற்​றழுத்த தாழ்வு மண்​டலம் வடக்கு, வடமேற்கே நகர்ந்து நேற்று ‘அக்​வான்’ (Akvan) புய​லாக வலுப்பெற்​றது. இது மேலும் வலுப்​பெற்று மத்​திய மேற்கு வங்​கக்​கடல் பகுதி​யில் இன்று மாலை தீவிர புய​லாக நில​வக்​கூடும்.

20ம் தேதி கரையை கடக்கிறது

இது மேலும் வலு​வடைந்து மேற்கு, வடமேற்கு திசையில் நகர்ந்து நவ.20-ம் தேதி நண்​பகல் மிகத் தீவிரப் புய​லாக நெல்​லூர் - துனி இடையே ஆந்திரகடற்​கரையை கடக்க வாய்ப்புள்​ளது. அப்​போது மணிக்கு 120-130 கி.மீ. வேகத்​திலும், இடை​யிடையே 145 கிமீ வேகத்​திலும் பலத்த சூறாவளிக் காற்று வீசக்​கூடும்.

தமிழகத்தில் மழைக்கு வாய்ப்பு

இதன் காரண​மாக, இன்று தமிழகத்​தின் மேற்​குத் தொடர்ச்சி மலை மாவட்​டங்​கள், கடலோர தமிழகத்​தில் ஓரிரு இடங்​களி​லும், புதுச்​சேரி, காரைக்கால் பகுதி​களி​லும் லேசானது முதல் மித​மான மழை பெய்​யக்​கூடும்.

சென்னையில் பலத்த காற்றுடன் கனமழை

18, 19-ம் தேதி​களில் சென்னை, திரு​வள்​ளூர், செங்​கல்​பட்டு மாவட்​டங்​களில் இடி, மின்​னல், பலத்த காற்​றுடன் (40-50 கிமீ வேகம்) மிக கனமழையும் காஞ்​சி, ராணிப்​பேட்டை மாவட்​டங்​களில் கனமழையும் பெய்​யக்​கூடும்.

மீனவர்களுக்கு எச்சரிக்கை

மற்ற பகுதி​களில் லேசான மழையும் பெய்​யக்​கூடும். வட கடலோரப் பகுதி​களில் இன்றும், நாளை​யும் சூறாவளிக் காற்று வீசக்​கூடும். எனவே அங்கு மீனவர்​கள் செல்ல வேண்டாம் என்று அறிவுறுத்தப்பட்டுள்ளது.

====