ஜியோ பிளாட்ஃபார்ம்ஸ் பொதுப் பங்குகள்
ரிலையன்ஸ் குழுமத்தின் ஜியோ பிளாட்ஃபார்ம்ஸ் நிறுவனத்தின் 30 ஆயிரத்து 213 கோடி ரூபாய் மதிப்பிலான பொதுப் பங்கு வெளியீட்டுக்கான விண்ணப்பப் பதிவு கடந்த புதன் அன்று தொடங்கியது.
100 நிமிடங்களில் வரலாறு
விண்ணப்பங்கள் தொடங்கிய வெறும் 100 நிமிடங்களில் அனைத்துப் பங்குகளும் முன்பதிவு செய்யப்பட்டு, ஜியோ பிளாட்பார்ம்ஸ் புதிய வரலாறு படைத்தது.
குவிந்த விண்ணப்பங்கள்
அடுத்தடுத்த நாட்களிலும் விண்ணப்பங்கள் பல மடங்கு குவிந்தன. அதன்படி கடைசி நாளான நேற்று 22.19 மடங்கு அளவிலான விண்ணப்பங்கள் பெறப்பட்டன.
வாரீ எனர்ஜீஸ் நிறுவன சாதனை முறியடிப்பு
இதற்கு முன்பு, 2024ஆம் ஆண்டு வாரீ எனர்ஜீஸ் நிறுவனம் 97 லட்சத்து 30 ஆயிரம் விண்ணப்பங்களைப் பெற்றதே சாதனையாக இருந்தது.
தற்போது அந்தச் சாதனையை ஜியோ முறியடித்துள்ளது. அதாவது, ஏறத்தாழ ஒன்றரை கோடி அளவிலான விண்ணப்பங்களை ஜியோ குவித்துள்ளது.
பங்குகள் விவரங்கள்
முதலீட்டாளர் பிரிவுகளில், அதிகபட்சமாக நிறுவன முதலீட்டாளர்களுக்கு ஒதுக்கப்பட்ட பங்குகளின் அளவைவிட 70-க்கும் அதிகமான விண்ணப்பங்களும், நிறுவனமல்லாத முதலீட்டாளர்கள் பிரிவில் 14 மடங்கு அளவுக்கும், சில்லறை முதலீட்டாளர்கள் பிரிவில் 2.72 மடங்கு அளவுக்கும் விண்ணப்பங்கள் வந்துள்ளன.
28ம் தேதி சந்தையில் பட்டியலிடல்
முதலீட்டாளர்களின் பெரும் எதிர்பார்ப்புகளுக்கு மத்தியில் வரும் 28ஆம் தேதி இந்திய பங்குச்சந்தையில் ஜியோ பிளாட்ஃபார்ம்ஸ் நிறுவன பங்குகள் பட்டியலிடப்படுகின்றன.
ஜியோ பிளாட்ஃபார்ம்ஸ் பங்கு வெளியீட்டிற்கு முதலீட்டாளர்களிடமிருந்து 4 லட்சம் கோடி ரூபாய்க்கும் அதிகமான நிதித் தேவை பெறப்பட்டுள்ளது.
வெள்ளிக்கிழமை நிலவரப்படி, இந்த ஐபிஓ ஒட்டுமொத்தமாக 7.93 மடங்கு அதிகமாக சப்ஸ்கிரைப் செய்யப்பட்டுள்ளது.
சாம்பல் சந்தையில் (Grey Market Premium) ஜியோ பிளாட்ஃபார்ம்ஸ் பங்கின் பிரீமியம் ₹254 ஆக வர்த்தகமாகி வருகிறது.
இதன்படி, இந்த பங்கின் அதிகபட்ச விலையான ₹1,119 என்பதை கணக்கிட்டால், பங்கு சந்தையில் ஒரு பங்கு ₹1,373 என்ற விலையில் பட்டியலாகலாம் என எதிர்பார்க்கப்படுகிறது.
==============