Miss Universe India 2026: Kerala student Kasiya Liz Mejo achieves success!
ஜெய்ப்பூரில் நடைபெற்ற தேசிய அளவிலான பிரம்மாண்டப் போட்டி
ராஜஸ்தான் மாநிலம் ஜெய்ப்பூரில் நடைபெற்ற மிஸ் யூனிவர்ஸ் இந்தியா 2026 அழகிப் போட்டியில், கேரளாவைச் சேர்ந்த 19 வயது சட்ட மாணவி கஸியா லிஸ் மெஜோ மிகச் சிறந்த திறமைகளை வெளிப்படுத்தி 'மிஸ் யூனிவர்ஸ் இந்தியா 2026' பட்டத்தைக் கைப்பற்றினார்.
நாடு முழுவதிலுமிருந்து தேர்வு செய்யப்பட்ட 52 திறமைமிக்க போட்டியாளர்கள் கலந்துகொண்ட இப்போட்டியில், நடுவர்களின் அனைத்து சவால்களையும் எதிர்கொண்டு இவர் இந்த வெற்றியைப் பதிவு செய்துள்ளார்.
இப்போட்டியின் இறுதிச் சுற்றில் பிற மாநிலப் போட்டியாளர்களும் தங்களின் சிறப்பான ஆற்றலை வெளிப்படுத்தினர்.
மிஸ் யூனிவர்ஸ் இந்தியா 2026: கஸியா லிஸ் மெஜோ (கேரளா)
முதல் ரன்னர்-அப் (மிஸ் இன்டர்நேஷனல் இந்தியா 2026): வைஷ்ணவி கணேஷ் (தமிழ்நாடு)
இரண்டாம் ரன்னர்-அப்: அனுஸ்ரீ சதாவ்லேகர் (குஜராத்)
தமிழகத்தைச் சேர்ந்த வைஷ்ணவி கணேஷ் முதல் ரன்னர்-அப் பட்டத்தை வென்று மாநிலத்திற்குப் பெருமை சேர்த்துள்ளார்.
உலக அழகிப் போட்டிக்குத் தகுதி
தேசிய அளவில் சாம்பியன் பட்டம் வென்றதன் மூலம், சர்வதேச அரங்கில் இந்தியாவைப் பிரதிநிதித்துவப்படுத்தும் நல்வாய்ப்பை கஸியா லிஸ் மெஜோ பெற்றுள்ளார்.
75-வது 'மிஸ் யூனிவர்ஸ்'
போர்ட்டா ரிஃபோவில் வரும் நவம்பர் மாதம் நடைபெறவுள்ள 75-வது 'மிஸ் யூனிவர்ஸ்' உலக அழகிப் போட்டியில், இந்திய நாட்டின் சார்பாக கஸியா பங்கேற்றுப் போட்டியிடவுள்ளார்.
யார் இந்த கஸியா லிஸ் மெஜோ? பின்னணி விவரங்கள்
கேரள மாநிலம் மாவேலிக்கரையைப் பூர்வீகமாகக் கொண்ட கஸியா லிஸ் மெஜோ 2007-ஆம் ஆண்டு பிறந்தார்.
ஐக்கிய அரபு அமீரகத்தின் அபுதாபியில் வளர்ந்த இவர், அங்குள்ள எமிரேட்ஸ் நேஷனல் பள்ளி, செயிண்ட் ஜோசப் பள்ளி மற்றும் அபுதாபி இந்தியன் பள்ளிகளில் தனது பள்ளிப்படிப்பைச் சிறப்பாக முடித்தார். தற்போது 19 வயதாகும் இவர் இளங்கலைச் சட்டப்படிப்பு பயின்று வருகிறார்.
'மிஸ் டீன் இன்டர்நேஷனல்'
அழகிப் போட்டி உலகில் இவருக்கு இது முதல் வெற்றியல்ல. முன்னதாக 2025-இல் நடைபெற்ற 'மிஸ் டீன் இன்டர்நேஷனல்' போட்டியில் இந்தியாவைப் பிரதிநிதித்துவப்படுத்தி சர்வதேச அளவில் இரண்டாம் இடத்தைப் பிடித்து சாதனை படைத்திருந்தார்.
தொடர் பயிற்சிகளும் விடாமுயற்சியுமே தற்போது அவரை 'மிஸ் யூனிவர்ஸ் இந்தியா' அரியணையில் அமர்த்தியுள்ளது.
=====