84 பாடங்களுக்கான முடிவுகள் வெளியீடு :
தேசிய தேர்வு முகமை (NTA) நடத்தும் UGC NET ஜூன் 2026 தேர்வின் முடிவுகள் அதிகாரப்பூர்வமாக வெளியிடப்பட்டுள்ளன.
இந்தத் தேர்வில் பங்கேற்ற லட்சக்கணக்கான தேர்வர்கள் தற்போது தங்களது மதிப்பெண் விவரங்களையும் தகுதி நிலைகளையும் ஆன்லைன் மூலம் அறிந்து கொள்ளலாம்.
UGC NET தேர்வின் முக்கியத்துவம் :
UGC NET தேர்வில் தகுதி பெறும் மாணவர்கள் இந்திய பல்கலைக்கழகங்கள் மற்றும் கல்லூரிகளில் உதவி பேராசிரியராக (Assistant Professor) பணியாற்றுவதற்கும், ஜூனியர் ரிசர்ச் (JRF) பெறுவதற்கும், பிஎச்.டி. சேர்க்கைக்கும் தகுதி பெறுகின்றனர் .
எனவே இந்தத் தேர்வு உயர்கல்வித் துறையில் முக்கியமான இடத்தைப் பெற்றுள்ளது.
1.47 லட்சத்திற்கும் மேற்பட்டோர் தகுதி :
இந்த ஆண்டுக்கான UGC NET ஜூன் 2026 தேர்வில் 84 பாடங்களில் 1.47 லட்சத்திற்கும் மேற்பட்ட தேர்வர்கள் தகுதி பெற்றுள்ளதாக தகவல் வெளியாகியுள்ளது.
மேலும், மொத்த பதிவுகளும் தேர்வில் பங்கேற்றவர்களின் எண்ணிக்கையும் கடந்த ஆண்டுகளை விட அதிகமாக இருந்ததாக NTA தெரிவித்துள்ளது.
மூன்று பாடங்களுக்கு மறுதேர்வு :
ஆங்கிலம் (English), வர்த்தகம் (Commerce), சமூகவியல் (Sociology) ஆகிய மூன்று பாடங்களுக்கான தேர்வுகளில் ஏற்பட்ட தொழில்நுட்ப மற்றும் வினாத்தாள் தொடர்பான சிக்கல்களால் அவற்றுக்கான முடிவுகள் தற்போது வெளியிடப்படவில்லை.
இந்தப் பாடங்களுக்கான மறுதேர்வு செப்டம்பர் 9 மற்றும் 10 ஆகிய தேதிகளில் நடைபெறவுள்ளதாக NTA அறிவித்துள்ளது.
முடிவுகளை எப்படி பார்ப்பது?
தேர்வர்கள் UGC NET அதிகாரப்பூர்வ இணையதளமான UGC NET Portal-க்கு சென்று Application Number மற்றும் Password அல்லது பிறந்த தேதி விவரங்களை உள்ளிட்டு தங்களது Scorecard-ஐ பதிவிறக்கம் செய்து கொள்ளலாம்.
இறுதி Answer Key மற்றும் Cut-off மதிப்பெண்களும் வெளியிடப்பட்டுள்ளன.
தேர்வர்களுக்கு அறிவுரை :
முடிவுகளை பதிவிறக்கம் செய்த பிறகு, தேர்வர்கள் தங்களது Scorecard மற்றும் தகுதி சான்றுகளை எதிர்கால தேவைகளுக்காக பாதுகாப்பாக வைத்துக் கொள்ள வேண்டும்.
மேலும், மறுதேர்வு நடைபெற உள்ள பாடங்களைச் சேர்ந்தவர்கள் NTA வெளியிடும் அடுத்த கட்ட அறிவிப்புகளை தொடர்ந்து கவனிக்க வேண்டும்.