கடந்த 12 ஆண்டுகளில் சுற்றுச்சூழல் தொடர்பான அனைத்து துறைகளிலும் இந்தியா குறிப்பிடத்தக்க முன்னேற்றம் கண்டுள்ளதாக மோடி கூறினார்.
குறிப்பாக புதுப்பிக்கத்தக்க எரிசக்தி (Renewable Energy) துறையில் இந்தியா அதிக கவனம் செலுத்தி வருவதாக தெரிவித்தார்.
இந்தியாவின் தனிநபர் கார்பன் உமிழ்வு (Per Capita Carbon Emissions) உலக சராசரியின் பாதிக்கும் குறைவாக உள்ளது என்றும், வளர்ந்து வரும் நாடுகள் மீது கார்பன் உமிழ்வுக்கான
பொறுப்பு அநியாயமாக சுமத்தப்படுவதாகவும் அவர் கூறினார். மேலும், வளர்ந்த நாடுகளின் தனிநபர் கார்பன் உமிழ்வு இந்தியாவை விட பல மடங்கு அதிகம் எனவும் குறிப்பிட்டார்.
COP-21 பாரிஸ் காலநிலை ஒப்பந்தத்தின் கீழ் இந்தியா அளித்த உறுதிமொழிகளை காலக்கெடுவுக்கு முன்பாகவே நிறைவேற்றிய ஒரே G20 நாடு இந்தியாதான் என்று மோடி தெரிவித்தார்.
இந்தியாவின் புதைபடிவமற்ற (Non-Fossil Fuel) மின்சார உற்பத்தித் திறன் கடந்த ஆண்டுகளில் 400 சதவீதம் உயர்ந்துள்ளதாகவும், சூரிய ஆற்றல், காற்றாலை ஆற்றல் மற்றும் நீர்மின் உற்பத்தியில் வேகமான வளர்ச்சி ஏற்பட்டுள்ளதாகவும் அவர் கூறினார்.
நாட்டில் 50 லட்சத்திற்கும் அதிகமான வீடுகளில் Rooftop Solar Panel அமைக்கப்பட்டுள்ளதாகவும், இந்த எண்ணிக்கை பல நாடுகளின் மொத்த வீடுகளின் எண்ணிக்கையை விட அதிகம் என்றும் அவர் தெரிவித்தார்.
இந்தியா பசுமை ஹைட்ரஜன், சுத்தமான போக்குவரத்து மற்றும் மின்சார வாகனங்கள் துறைகளில் வேகமாக முன்னேறி வருவதாகவும், சமீபத்தில் இந்தியாவின் முதல் ஹைட்ரஜன் ரயில் இயக்கப்பட்டதாகவும் மோடி குறிப்பிட்டார்.
சுற்றுச்சூழல் பாதுகாப்பு என்பது அரசின் திட்டமாக மட்டுமல்லாமல், மக்களின் பங்களிப்புடன் முன்னெடுக்கப்படும் இயக்கமாக மாறியுள்ளதாக பிரதமர் மோடி குறிப்பிட்டார்.
எதிர்கால எரிசக்தி தேவைகளை பூர்த்தி செய்ய பசுமை ஹைட்ரஜன், மின்சார வாகனங்கள் மற்றும் சுத்தமான தொழில்நுட்பங்களில் இந்தியா முதலீடுகளை அதிகரித்து வருவதாக பிரதமர் தெரிவித்தார்.
=====================