PM Modi, Amit Shah Condole the Demise of Yogi Adityanath's Mother Google
இந்தியா

உ.பி. முதல்வர் யோகி ஆதித்யநாத்தின் தாயார் காலமானார்! : 91 வயதில் இறைவனடி சேர்ந்தார்...!

தாயின் இறுதிச்சடங்கில் கண்ணீர் மல்க அஞ்சலி செலுத்திய யோகி ஆதித்யநாத்... அரசியல் தலைவர்கள் இரங்கல்...

NARENDRAN K

91 வயதில் காலமான சாவித்திரி தேவி :

உத்தரப் பிரதேச முதலமைச்சர் யோகி ஆதித்யநாத்தின் தாயார் சாவித்திரி தேவி தனது 91-வது வயதில் நேற்று (நவம்பர் 20) காலமானார்.

உத்தரகாண்ட் மாநிலம் பவுரி கார்வால் மாவட்டத்தில் உள்ள தனது சொந்த கிராமமான பஞ்சூரில் அவர் உயிரிழந்தார். உடல்நலக் குறைவால் பாதிக்கப்பட்டிருந்த அவர், தனது குடும்பத்தினருடன் வசித்து வந்தார்.

தாயாரின் உடலை சுமந்து சென்ற யோகி ஆதித்யநாத் :

தாயாரின் மறைவு செய்தியைத் தொடர்ந்து உத்தரகாண்ட் சென்ற யோகி ஆதித்யநாத், தனது தாயாருக்கு இறுதி அஞ்சலி செலுத்தினார்.

இன்று (நவம்பர் 21) நடைபெற்ற இறுதிச்சடங்கில், தாயாரின் உடலைத் தனது தோளில் சுமந்து சென்றார்.

மேலும், தாயாரின் புகைப்படத்திற்கு மலர் மாலை அணிவித்து மரியாதை செலுத்தினார். அப்போது அவர் உணர்ச்சிவசப்பட்ட காட்சிகள் அங்கிருந்தவர்களிடையே சோகத்தை ஏற்படுத்தின.

அரசியல் தலைவர்கள் இரங்கல் :

யோகி ஆதித்யநாத்தின் தாயார் மறைவுக்கு பிரதமர் நரேந்திர மோடி, மத்திய உள்துறை அமைச்சர் அமித் ஷா உள்ளிட்ட பல்வேறு அரசியல் தலைவர்கள் இரங்கல் தெரிவித்துள்ளனர்.

உத்தரகாண்ட் முதலமைச்சர் புஷ்கர் சிங் தாமியும் தனது இரங்கலைத் தெரிவித்துள்ளார்.

தாயின் அன்பும், ஆசியும் வாழ்க்கையில் ஈடுசெய்ய முடியாதவை என்றும், சாவித்திரி தேவியின் மறைவு குடும்பத்திற்கு ஈடுசெய்ய முடியாத இழப்பு என்றும் அவர் குறிப்பிட்டுள்ளார்.

எளிய முறையில் நடைபெற்ற இறுதி அஞ்சலி :

இந்த இறுதிச்சடங்கின்போது யோகி ஆதித்யநாத்துடன் அவரது குடும்பத்தினர், சகோதரர்கள் மற்றும் உறவினர்களும் உடனிருந்தனர்.

அதிகப்படியான ஆடம்பரங்கள் இன்றி, குடும்பத்தினர் மற்றும் நெருங்கிய உறவினர்கள் முன்னிலையில் எளிமையான முறையில் இறுதி அஞ்சலி நிகழ்வுகள் நடைபெற்றன.

======================