ஒலிம்பிக் விளையாட்டு திருவிழா
உலக அளவில் நடக்கிற மிகப்பெரிய விளையாட்டு திருவிழாக்களில் ஒன்று ஒலிம்பிக். 4 ஆண்டுகளுக்கு ஒருமுறை இந்தப் போட்டிகள் நடத்தப்படுது. பொருளாதார வளர்ச்சியில் உச்சத்தில் இருக்கிற நாடுகளால மட்டும் ஒலிம்பிக்கை நடத்த முடியும்.
காரணம் இதற்கு பல ஆயிரம் கோடி ரூபாய் செலவழிக்க வேண்டி இருக்கு. இந்தியா போன்ற வளரும் நாடுகள் காமன்வெல்த் போட்டிகள், ஆசிய விளையாட்டு போட்டிகள நடத்துகின்றன.
விளையாட்டுத் துறை - மத்திய அரசு முன்னெடுப்பு
விளையாட்டுத்துறை வளர்ச்சியில அதிக அக்கறை செலுத்தி வர்ற பிரதமர் மோடி தலைமையிலான மத்திய அரசு, இந்தியாவிலும் ஒலிம்பிக்கை போட்டியை நடத்த ஆர்வம் காட்டி வருது. ஆசிய நாடுகளில சீனா மட்டுமே ஒலிம்பிக் போட்டிய நடத்தி இருக்கு.
ஆசிய விளையாட்டில் பதக்கங்கள் குவிப்பு
சமீபத்தில் நடந்த ஆசிய விளையாட்டு போட்டியில பதக்கங்களை வாங்கி நாட்டிற்கு பெருமை தேடி தந்த வீரர், வீராங்கனைங்க பிரதமர் மோடிய சந்திச்சாங்க.
வீரர்களுடன் மோடி சந்திப்பு
வீரர்கள் கையொப்பமிட்ட ஜெர்சிகள் உள்ளிட்ட நினைவுப் பரிசுகள் பிரதமருக்கு வழங்கப்பட்டன. மேலும், வில்வித்தையில் அசத்திவரும் 17 வயதான கும்கும் மோஹோட், தான் பயன்படுத்தும் வில்லை மோடிக்கு நினைவுப் பரிசாக கொடுத்தாரு.
வீரர்கள் மத்தியில பேசிய பிரதமர், 140 கோடி இந்தியர்களும் பெருமை கொள்றா மாதிரி சாதிச்ச வீரர், வீராங்கனைகளுக்கு வாழ்த்துக்கள்.
இந்தியா மீது அதீத நம்பிக்கை
சர்வதேச விளையாட்டுப் போட்டிகளை நடத்துவதில நம்பகத்தன்மை மிக்க, விருந்தினர்களை சிறப்பாக நடத்துற நாடா இந்தியா இருக்கு.
2036ல் இந்தியாவில் ஒலிம்பிக்
ஒலிம்பிக் போட்டிகள நமது நாட்டுல நடத்தனும் அப்படிங்கறது ஒவ்வொரு இந்தியனோட கனவு. இது 2036ல நனவாகும் என்ற நம்பிக்கை எனக்கு இருக்கு. கனவுகளை ஒரே நாளில் அடைந்துவிட முடியாது. அதுக்கு கடின உழைப்பும் அர்ப்பணிப்பும் தேவை.
12 ஆண்டுகளில், இந்தியா பொறுமையா செயல்பட்டு, விளையாட்டுத் துறைக்கான கட்டமைப்பை சிறப்பா அமைச்சு இருக்கு அப்படின்னும் பிரதமர் பேசி இருக்காரு.
===================