RBI New Cheque Rules Effective January 1 2027
அமலாக்க தேதி மற்றும் வரம்பு மாற்றங்கள்
இந்திய ரிசர்வ் வங்கி (Rbi) வெளியிட்டுள்ள புதிய காசோலை விதிகள் வரும் 2027-ஆம் ஆண்டு ஜனவரி 1-ஆம் தேதி முதல் நாடு முழுவதும் அமலுக்கு வர உள்ளன.
பழைய காசோலைகள் பயன்பாடு
பழைய காசோலைகளை இனி ரூ. 50,000-க்கும் குறைவான பரிவர்த்தனைகளுக்கு மட்டுமே பயன்படுத்த முடியும்.
ரூ. 50,000 மற்றும் அதற்கு மேற்பட்ட தொகைகள்
ரூ. 50,000 மற்றும் அதற்கு மேலான பணப் பரிவர்த்தனைகளுக்கு தனித்துவமான எண் மற்றும் எழுத்துக்களுடன் கூடிய (ஆல்ஃபா நியூமெரிக்) குறியீடுகள் கொண்ட புதிய காசோலைகளை மட்டுமே பயன்படுத்த முடியும்.
புதிய பாதுகாப்பு அம்சங்கள்
புதிய காசோலையில் முறைகேடுகளைத் தவிர்க்கும் விதமாக அதிநவீன பாதுகாப்பு அம்சங்கள் அறிமுகப்படுத்தப்பட்டுள்ளன.
புற ஊதாக் கதிர் குறியீடு
காசோலையில் வங்கி கணக்கு எண்ணுக்குக் கீழே, புற ஊதாக் கதிர் (UV Light) ஒளியில் மட்டுமே காணக் கூடிய வகையான சிறப்புக் குறியீடு இடம்பெற்றிருக்கும். ரிசர்வ் வங்கியின் நடைமுறையுடன் நேரடியாக இணைக்கப்பட்ட அமைப்பும் இதில் இடம்பெற்றிருக்கும்.
காசோலை பூர்த்தி செய்யும் போது பின்பற்ற வேண்டியவை
காசோலைகளில் பால்பாயிண்ட் பேனாக்கள் (Ballpoint Pens) மூலம் மட்டுமே எழுத வேண்டும். ஜெல் பேனாக்கள் உள்ளிட்ட பிற பேனாக்களை பயன்படுத்தக் கூடாது.
அடித்தல், திருத்தல் கூடாது
பெயர்கள், தேதிகள் அல்லது தொகையில் எந்தவொரு அடித்தல் அல்லது திருத்தமும் இருக்கக் கூடாது. அவ்வாறு அடித்து எழுதப்பட்டிருந்தால் அந்த காசோலை உடனடியாக நிராகரிக்கப்படும்.
வங்கி வாடிக்கையாளர்களுக்கான அறிவுறுத்தல்
வங்கி கிளையில் பழைய காசோலையை சமர்ப்பித்து, புதிய காசோலையை வாடிக்கையாளர்கள் பெற்றுக்கொள்ளலாம் என ரிசர்வ் வங்கி அறிவிப்பில் தெரிவிக்கப்பட்டுள்ளது.
============