யானைகள் பாதையை கடக்க ரயில் நிறுத்தம் : அஸ்ஸாமில் நெகிழ்ச்சி சம்பவம்!

The incident where the Rajdhani Express was halted to allow wild elephants to safely cross the railway tracks in Assam has drawn praise.

ரயில் பாதையைக் கடந்த யானைகள்

அஸ்ஸாம் மாநிலத்தின் ஹோஜாய் மாவட்டத்தில் காட்டு யானைகள் கூட்டம் ரயில் பாதையைப் பாதுகாப்பாக கடந்து செல்வதற்காக, 'டவுன் ராஜ்தானி எக்ஸ்பிரஸ்' ரயிலை ஓட்டுநர் நிறுத்திய சம்பவம் அனைவரையும் நெகிழ வைத்துள்ளது.

துரித எச்சரிக்கை நடவடிக்கை

ஹோஜாய் மாவட்டத்தின் லங்கா பகுதிக்கு அருகிலுள்ள ஹவாய்ப்பூர் பகுதியில் யானைகள் தண்டவாளத்தைக் கடக்க முயன்றதை வனத்துறையினர் கண்டறிந்தனர்.

இதையும் படிங்க: திமுக ஊழல் ஆதாரங்கள் தேவையான நேரத்தில் வெளியாகும் : சட்டப் பேரவையில் முதல்வர் விஜய் அதிரடி..!

வனத்துறையின் தீவிர கண்காணிப்பு மற்றும் வடகிழக்கு எல்லைப்புற ரயில்வேயின் ஒருங்கிணைப்பால் இந்த அசம்பாவிதம் தவிர்க்கப்பட்டது.

சமயோசித முடிவால் பாதுகாப்பு

வனத்துறையினர், ரயில் ஓட்டுநர் மற்றும் லும்டிங் ரயில்வே கட்டுப்பாட்டு அறை ஆகியவற்றின் உடனடி நடவடிக்கையால் யானைக் கூட்டம் பாதுகாப்பாக பாதையைக் கடப்பது உறுதி செய்யப்பட்டது. யானைகள் கடந்த பின் ரயில் தனது பயணத்தைத் தொடர்ந்தது.

அமைச்சர் பாராட்டு

இந்த நிகழ்வின் வீடியோவைப் பகிர்ந்துள்ள அஸ்ஸாம் வனத்துறை அமைச்சர் ஜெயந்த மல்லா பருவா, "ரயில் பாதையில் ஒரு எதிர்பாராத நிறுத்தம்; ஆனால் அது நம் அன்பிற்குரிய விலங்குகள் கடந்து செல்வதற்காக மட்டுமே" எனக் குறிப்பிட்டுப் பாராட்டியுள்ளார்.

அர்ப்பணிப்புமிக்க பணி

ஒவ்வொரு நாளும் வனத்துறை ஊழியர்கள் அர்ப்பணிப்புடன் செயல்பட்டு காட்டுயிர்களின் பாதுகாப்பை உறுதி செய்கின்றனர் என்றும், பாதுகாப்பாகக் கடந்து செல்லும் ஒவ்வொரு நிகழ்வும் சொல்லப்பட வேண்டிய கதை என்றும் அஸ்ஸாம் வனத்துறை அமைச்சர் ஜெயந்த மல்லா பருவாபதிவிட்டுள்ளார்.

இதையும் படிங்க: “கொடுத்ததெல்லாம் கொடுத்தார்” : பேரவையில் MGR பாடலை பாடிய TVK எம்எல்ஏ சிந்து : ரசித்து, புன்னகைத்த முதல்வர் விஜய்..!

=====