Uterus Environment Determines Child Lifespan Nature Health Research Report
குழந்தை தாயின் கருவில் இருக்கும்போதே, அந்தச் சூழலானது குழந்தையின் வாழ்நாள் ஆரோக்கியத்தையும் ஆயுள் காலத்தையும் தீர்மானிப்பதாக ‘நேச்சர் ஹெல்த்’ என்ற புதிய அறிவியல் ஆய்வொன்றில் கண்டறியப்பட்டுள்ளது.
கருப்பைக் காலப் பிரச்சினைகளும் நீண்டகாலத் தாக்கமும்
'நேச்சர் ஹெல்த்' (Nature Health) இதழில் வெளியிடப்பட்டுள்ள இந்த புதிய ஆய்வறிக்கையின்படி, பெண்கள் கருத்தரிப்பதற்கு முன்னதாகவும், கர்ப்ப காலத்திலும் பின்பற்றும் வாழ்க்கை முறை ஆகியவை தான் கருவில் உள்ள குழந்தையின் வாழ்நாள் ஆரோக்கியத்தை நேரடியாகப் பாதிக்கின்றன என்று கூறுகிறது.
அதன்படி கருப்பையில் நிலவும் சூழலானது, குழந்தை வளர்ந்து பெரிதான பிறகும் அக்குழந்தையின் வாழ்நாள் முழுவதும் உடலின் ஆரோக்கியமான வளர்ச்சியைப் பாதிக்கக்கூடும் எனக் கூறுகிறது.
மரபணுக்களைத் தாண்டிய பங்கு
ஒருவரின் நீண்டகால ஆரோக்கியத்திற்கு அவரது மரபணுக்கள் அதாவது ’ஜீன்’ தான் மிக முக்கிய காரணமாக இருந்தாலும், பிறப்பிற்கு முந்தைய தாயின் கருப்பை சூழலும் குறிப்பிடத்தக்கப் பங்கை வகிக்கிறது என ஆய்வாளர்கள் சுட்டிக்காட்டுகின்றனர்.
தாயின் ஊட்டச்சத்தும், மன அழுத்தமும்
கர்ப்ப காலத்தில் தாய்க்கு ஏற்படும் ஊட்டச்சத்து குறைபாடு, மன அழுத்தம் மற்றும் ஒட்டுமொத்த உடல்நல பாதிப்புகள், குழந்தை பிறப்பதற்கு முன்பே அதன் முக்கிய உறுப்புகள் மற்றும் அமைப்புகள் உருவாவதில் எதிர்மறையான தாக்கத்தை ஏற்படுத்தலாம்.
எனவே, தாயின் உடலும் மனநிலையும் எந்த அளவுக்கு ஆரோக்கியமாக இருக்கிறதோ, அதே அளவுக்கு தான் குழந்தையின் வருங்கால ஆயுளும் உறுதியாகிறது என்கின்றனர்.
மருத்துவர்கள் மற்றும் ஆய்வாளர்களின் பரிந்துரைகள்
இதன்காரணமாக பெண்கள் கர்ப்பத்திற்கு முன்னரும், கர்ப்ப காலத்திலும் தங்களது ஆரோக்கியத்தில் கூடுதல் கவனம் செலுத்த வேண்டும் என்று ஆய்வாளர்கள் வலியுறுத்துகின்றனர்.
மேலும், தாய்க்கும் குழந்தைக்கும் தேவையான ஊட்டச்சத்துக்கள் நிறைந்த உணவுகளை உட்கொள்ள வேண்டும்.
வழக்கமான லேசான உடற்பயிற்சிகள் மற்றும் போதுமான அளவு நல்ல தூக்கம் அவசியம்.
புகைப்பிடித்தல் உள்ளிட்ட தீங்கு விளைவிக்கும் பழக்கங்களை முற்றிலும் தவிர்க்க வேண்டும் என்கின்றனர்.
ஆய்வாளர்கள் வலியுறுத்தல்
தாயின் உடல் மற்றும் மன நிலைமை குழந்தையின் எதிர்கால ஆரோக்கியத்தில் எவ்வாறு ஆதிக்கம் செலுத்துகிறது என்பது குறித்து இன்னும் விரிவான ஆராய்ச்சிகள் தொடர வேண்டும் என்றும் ஆய்வாளர்கள் தெரிவித்துள்ளனர்.
=====