டெங்குவுக்கு இனி ஒரே ஒரு ஊசி தான்! இந்தியாவின் 'டெங்கிஆல்' தடுப்பூசி: மருத்துவ உலகமே எதிர்பார்க்கும் மாபெரும் புரட்சி!

India’s First Dengue Vaccine 'DengiAll' Under Final Trials

மழைக்காலங்களில் கடுமையான காய்ச்சல், உடல் வலி மற்றும் ரத்தத் தட்டணுக்கள் (Platelets) குறைவு போன்ற தீவிர பாதிப்புகளை ஏற்படுத்தி உயிரைப் பறிக்கும் ஆபத்து கொண்ட டெங்கு காய்ச்சல் நோய்க்கு எதிராக இந்தியா ஒரு முக்கிய மைல்கல்லை எட்டியுள்ளது.

இறுதிகட்ட பரிசோதனையை எட்டியுள்ள 'டெங்கிஆல்'

இந்தியாவில் முழுமையாக உருவாக்கப்பட்ட 'டெங்கிஆல்' (DengiAll) எனும் முதலாவது டெங்கு தடுப்பூசி தற்போது இறுதிக்கட்ட மருத்துவப் பரிசோதனையை எட்டியுள்ளது.

'டெங்கிஆல்' தடுப்பூசியின் தனித்துவமான சிறப்பம்சங்கள்

டெங்கு காய்ச்சலானது DENV-1, DENV-2, DENV-3 மற்றும் DENV-4 என 4 வெவ்வேறு வகை வைரஸ்களால் பரவுகிறது. ஒருவர் ஒரு வகை வைரஸால் பாதிக்கப்பட்டால் அவருக்கு அதற்கான எதிர்ப்பு சக்தி மட்டுமே கிடைக்கும்; மற்ற வகைகள் தாக்கும் போது பாதிப்பு தீவிரமடையும்.

4 வகை வைரஸ்களுக்கும் ஒரே தடுப்பூசி

ஆனால் 'டெங்கிஆல்' தடுப்பூசியானது இந்த 4 வகை வைரஸ்களுக்கும் எதிராக ஒரே நேரத்தில் வீரியமிக்க பாதுகாப்பை வழங்கி செயலாற்றும் தன்மை கொண்டது.

ஒரே ஒரு டோஸ் தடுப்பூசி

இத்தடுப்பூசியின் மிக முக்கிய அம்சம் என்னவெனில், பொதுமக்கள் ஒரே ஒரு டோஸ் அதாவது Single Dose மட்டும் செலுத்திக் கொண்டால் போதுமானது.

பரிசோதனை நிலை மற்றும் வெளியீட்டு விவரம்

'பனாசியா பயோடெக்' (Panacea Biotec) நிறுவனமும், 'இந்திய மருத்துவ ஆராய்ச்சிக் கவுன்சிலும்' (ICMR) இணைந்து இத்தடுப்பூசியை உருவாக்கியுள்ளன.

இறுதிக்கட்ட சோதனை

கடந்த 2024 ஆகஸ்ட் மாதம் முதல் நாடு முழுவதும் உள்ள 19 முக்கிய மையங்களில் 10,335-க்கும் மேற்பட்ட நபர்களிடம் இதன் 3-ஆம் கட்ட மருத்துவப் பரிசோதனைகள் தொடங்கப்பட்டு தீவிரமாக நடைபெற்று வருகின்றன.

பொதுமக்கள் பயன்பாடு

இந்த சோதனைகள் அனைத்தும் வெற்றிகரமாக நிறைவடைந்து, மத்திய அரசின் முறையான அனுமதிகள் கிடைத்த பிறகு, வரும் 2027-ஆம் ஆண்டின் இறுதிக்குள் இத்தடுப்பூசி பொதுமக்கள் பயன்பாட்டிற்காக அறிமுகம் செய்யப்படும் என எதிர்பார்க்கப்படுகிறது.

மருத்துவ நிபுணர்களின் கருத்து

டெங்கு நோய்க்கு என இதுவரை பிரத்யேகமான மருந்துகள் இல்லாத சூழலில், இந்தத் தடுப்பூசியின் வருகை மருத்துவத்துறைக்கு மிகப்பெரிய பலமாகும்.

இருப்பினும், தடுப்பூசி பயன்பாட்டிற்கு வந்தாலும் கொசுக்கள் உற்பத்தியைத் தடுப்பது மற்றும் சுற்றுப்புறத்தைத் தூய்மையாகப் பராமரிப்பது போன்ற அடிப்படைப் பாதுகாப்பு நடவடிக்கைகளைத் தொடர்ந்து பின்பற்றுவது அவசியம் என மருத்துவர்கள் சுட்டிக்காட்டுகின்றனர்.

இதையும் படிங்க : தமிழக அரசுக்கு 3 மாத அவகாசம்: நவோதயா பள்ளிகள் குறித்து புதிய முடிவு எடுக்குமா விஜய் அரசு? - உச்சநீதிமன்றம்"

======