All Party Meeting ECI Chief Resignation Demand Walkout
அனைத்துக் கட்சிக் கூட்டமும் பங்கேற்ற கட்சிகளும்
வாக்காளர் பட்டியல் சிறப்பு சுருக்க முறை திருத்தம் (SSR) தொடர்பாக சென்னையில் தலைமைத் தேர்தல் அதிகாரி அர்ச்சனா பட்நாயக் தலைமையில் அனைத்து கட்சிக் கூட்டம் நடைபெற்றது.
தமிழ்நாட்டில் மொத்தம் 13 அங்கீகரிக்கப்பட்ட அரசியல் கட்சிகள் உள்ள நிலையில், பகுஜன் சமாஜ் கட்சி தவிர்த்து 12 அரசியல் கட்சிகள் இக்கூட்டத்தில் பங்கேற்றன.
தலைமைத் தேர்தல் ஆணையர் பதவி விலகக் கோரிக்கை
கூட்டம் தொடங்கிய சிறிது நேரத்திலேயே, தலைமைத் தேர்தல் ஆணையர் ஞானேஷ் குமாரின் செயல்பாடுகளுக்குக் கடும் கண்டனம் தெரிவிக்கப்பட்டதுடன், அவர் உடனடியாகப் பதவி விலக வேண்டும் என்றும் வலியுறுத்தப்பட்டது.
தவெக முதன்முதலாக வெளிநடப்பு
வாக்காளர் பட்டியல் விவகாரத்தில் தனது தெளிவான நிலைப்பாட்டை அறிவிக்காமல் இருந்து வந்த தவெக, கூட்டத்தில் இருந்து முதல் ஆளாக வெளிநடப்பு செய்து அனைவரையும் ஆச்சரியத்தில் ஆழ்த்தியது.
தவெகவின் இந்த அதிரடி நடவடிக்கை திமுக மற்றும் அதிமுக ஆகிய இரு கட்சிகளுக்கும் அதிர்ச்சியை ஏற்படுத்தியது.
தவெகவைத் தொடர்ந்து திமுக, காங்கிரஸ் உள்ளிட்ட பிற கட்சிகளும் கூட்டத்தைப் புறக்கணித்து வெளியேறின.
கூட்டத்தைப் புறக்கணித்து வெளிநடப்பு செய்த 9 கட்சிகள்:
திராவிட முன்னேற்றக் கழகம்
இந்திய தேசிய காங்கிரஸ்
தமிழக வெற்றிக் கழகம்
இந்திய கம்யூனிஸ்ட் கட்சி (CPI)
மார்க்சிஸ்ட் கம்யூனிஸ்ட் கட்சி (CPM)
விடுதலைச் சிறுத்தைகள் கட்சி (விசிக)
நாம் தமிழர் கட்சி (நாம் தமிழர்)
ஆம் ஆத்மி கட்சி
தேசிய முற்போக்கு திராவிட கழகம்
கூட்டத்தில் தொடர்ந்த 3 கட்சிகள்
9 முக்கியக் கட்சிகள் வெளிநடப்பு செய்த போதிலும், பாரதிய ஜனதா கட்சி, அனைத்திந்திய அண்ணா திராவிட முன்னேற்றக் கழகம் மற்றும் தேசிய மக்கள் கட்சி ஆகிய 3 கட்சிகள் மட்டும் கூட்டத்தில் தொடர்ந்து பங்கேற்றன.
திமுக - அதிமுக இடையே நெருக்கம்? எழும் அரசியல் விவாதங்கள்
கூட்டத்தில் ஜெயக்குமார் தலைமையிலான அதிமுக நிர்வாகிகளும், திமுக நிர்வாகிகளும் அருகருகே அமர்ந்து சிரித்துப் பேசி கைமுறுக்கிக் கொண்டது அரசியல் வட்டாரத்தில் கவனத்தைப் பெற்றுள்ளது.
திமுக மற்றும் அதிமுக இடையே ரகசிய 'அண்டர்கிரவுண்ட் டீலிங்' நடப்பதாகத் தவெக தலைவர் விஜய் தொடர்ந்து குற்றம்சாட்டி வரும் நிலையில், இக்கூட்டத்தில் இரு கட்சி நிர்வாகிகளின் இணக்கமான சூழல் அதை உறுதிப்படுத்துவது போல் அமைந்துள்ளதாகக் கூறப்படுகிறது.
அதிமுகவின் அரசியல் நிலைப்பாடு
மத்திய அரசின் ஆதரவைப் பெற பாஜக கூட்டணியில் தொடர்வதும், அதே நேரத்தில் ஆளும்கட்சியை எதிர்கொள்ள திமுகவுடன் இணக்கமான போக்கைக் கடைப்பிடிப்பதும் அதிமுகவை ஒரு குழப்பமான சூழலில் நிறுத்தியுள்ளதாக அரசியல் விமர்சகர்கள் கருத்து தெரிவித்து வருகின்றனர்.
=============