Chief Minister Takes Social Justice Day Pledge on Periyar’s 147th Birth Anniversary
பெரியாரின் 147-வது பிறந்தநாளை முன்னிட்டு சென்னை தலைமைச் செயலகத்தில் முதலமைச்சர் விஜய் தலைமையில் சமூக நீதி நாள் உறுதிமொழி ஏற்கப்பட்டது.
பெரியாரின் 147-வது பிறந்தநாள்
தந்தை பெரியாரின் 147-வது பிறந்தநாளை முன்னிட்டு, தமிழ்நாடு அரசு சார்பில் சென்னை தலைமைச் செயலகத்தில் சமூக நீதி நாள் உறுதிமொழி ஏற்பு நிகழ்ச்சி நடைபெற்றது.
இந்நிகழ்ச்சியில் தமிழக முதலமைச்சர் விஜய் கலந்துகொண்டு, அரசு ஊழியர்களுடன் இணைந்து சமூக நீதி உறுதிமொழியை ஏற்றுக்கொண்டார்.
முதலமைச்சர் ஏற்ற முக்கிய உறுதிமொழிகள்
சமத்துவ நெறிகள்
“பிறப்பொக்கும் எல்லா உயிர்க்கும் என்ற அன்பு நெறியையும், யாதும் ஊரே யாவரும் கேளிர் என்ற பண்பு நெறியையும் எனது வாழ்வியல் வழிமுறைகளாகக் கடைபிடிப்பேன்.”
பகுத்தறிவுச் சிந்தனை
“சுயமரியாதையும், ஆளுமைத் திறனும், பகுத்தறிவுப் பார்வையும் கொண்டவைகளாக என்னுடைய செயல்பாடுகள் அமையும்.”
சமூக நீதிச் சமுதாயம்
“சமத்துவம், சகோதரத்துவம், சமதர்மம் ஆகிய கொள்கைகளுக்காக என்னை ஒப்படைத்துக் கொள்வேன். மானுடத்தின் மீது பற்றையும், மனிதாபிமானத்தையும் என்றும் போற்றுவேன்.
சமூக நீதியையே அடித்தளமாகக் கொண்ட சமுதாயம் அமைத்திட இந்நாளில் உறுதி ஏற்கிறேன்” என்று முதல்வர் விஜய் உறுதிமொழி ஏற்றுக்கொண்டார்.
தலைமைச் செயலகத்தில் நடைபெற்ற இந்நிகழ்ச்சியில் பல்வேறு அரசு உயர் அதிகாரிகள் மற்றும் பணியாளர்கள் திரளாகக் கலந்துகொண்டு சமூக நீதி நாள் உறுதிமொழியை ஏற்றுக்கொண்டனர்.
முன்னதாக முதல்வர் விஜய், பெரியார் பிறந்தநாளை முன்னிட்டு தனது அதிகாரப்பூர்வ சமூக வலைதளப் பக்கத்தில், பெரியாரின் புரட்சிகரமான சிந்தனைகளையும், கொள்கைகளையும் பெருமையுடன் நினைவுகூர்ந்து வணங்குவதாக பதிவிட்டிருந்தார்.
பெருமையுடன் நினைவுகூர்ந்து...
அந்த பதிவில், சுயமரியாதையும், சமூகநீதியும், பகுத்தறிவும் நிறைந்த முற்போக்குச் சிந்தனைகளை மக்கள் மனங்களில் விதைத்து, சாதி, மத வேறுபாடுகளைக் களைந்திடவும், மக்களின் உரிமைகளை மீட்டெடுக்கவும் தம் வாழ்நாள் முழுவதும் போராடிய தந்தை பெரியார் அவர்களின் பிறந்தநாளில், அவரது புரட்சிகரமான சிந்தனைகளையும், கொள்கைகளையும் பெருமையுடன் நினைவுகூர்ந்து வணங்குகிறேன்.
தந்தை பெரியாரின் கொள்கைத் தடத்தில் பயணித்து, “பிறப்பொக்கும் எல்லா உயிர்க்கும்” என்ற முழக்கத்தின்படி, சம வாய்ப்புகளால் அனைவரும் வளம்பெற்று, சுயமரியாதை மிளிரும் தமிழ்நாட்டை உருவாக்கிட இந்நாளில் உறுதியேற்போம்!
தந்தை பெரியார் விதைத்த சமூகநீதியின் விதைகள் தலைமுறைதோறும் தழைத்தோங்கட்டும்!
வெற்றித் தமிழகத்தை உருவாக்கும் பயணத்தில் அவரது கொள்கைகள் நமக்கு வழிகாட்டட்டும்! என்று அந்த பதிவில் குறிப்பிட்டுள்ளார்.
இதையும் படிங்க : மோடிக்கு பிறந்தநாள் வாழ்த்து தெரிவித்த புதின்... ரஷ்ய எண்ணெய் வாங்குவோம் என அமெரிக்காவுக்கு இந்தியா மறைமுக பதில்!
======