TN Rain Update Murasu Cyclone Weather Report
முரசு புயல் கரையைக் கடந்தது
தென்மேற்கு மற்றும் அதனையொட்டிய மத்திய மேற்கு வங்கக்கடல் பகுதிகளில் உருவான ’முரசு புயல்’, வடமேற்கு திசையில் நகர்ந்து தெற்கு ஆந்திர கடலோரப் பகுதிகளில் நெல்லூர் மற்றும் நரசாப்பூர் இடையே ஓங்கோலுக்கு தெற்கே தீவிர புயலாக இன்று அதிகாலை ( 03-11-2026) கரையைக் கடந்தது.
சூறாவளிக் காற்று, கடல் கொந்தளிப்பு
வங்கக்கடலில் உருவான இந்த தீவிரப் புயலின் காரணமாக, கடந்த சில நாட்களாகக் கடலோரப் பகுதிகளில் பலத்த சூறாவளிக் காற்றுடன் கூடிய கடல் கொந்தளிப்பும் நிலவி வந்தது.
11 மாவட்டங்களில் மழை எச்சரிக்கை
புயலின் தாக்கம் மற்றும் காற்றின் திசைவேக மாறுபாடு காரணமாக தமிழகத்தின் கடலோர மற்றும் உள் மாவட்டங்களில் இன்று மழை பெய்து வருகிறது. சென்னை உள்ளிட்ட 11 மாவட்டங்களில் பகல் 1 மணி வரை மிதமான மழை பெய்ய வாய்ப்புள்ளதாக சென்னை மண்டல வானிலை ஆய்வு மையம் தெரிவித்துள்ளது.
மிதமான மழை எச்சரிக்கை
மேலும் அடுத்த சில மணி நேரத்திற்கு பகல் 1 மணி வரையில் சென்னை, திருவள்ளூர், செங்கல்பட்டு, காஞ்சிபுரம், கடலூர் ஆகிய வட கடலோர மற்றும் அதனை ஒட்டிய மாவட்டங்களில் பலத்த காற்றுடன் கூடிய மிதமான மழை பெய்ய வாய்ப்புள்ளது.
தொடர்ந்து மயிலாடுதுறை, நாகப்பட்டினம், புதுக்கோட்டை, ராமநாதபுரம், விழுப்புரம் மற்றும் திருவண்ணாமலை ஆகிய 6 மாவட்டங்களிலும் பரவலாக மழைக்கு வாய்ப்புள்ளதாகவும் கணிக்கப்பட்டுள்ளது.
பள்ளி விடுமுறை மற்றும் மீனவர்களுக்கான எச்சரிக்கை
தொடர் கனமழை காரணமாக முன்னெச்சரிக்கை நடவடிக்கையாக கடலூர் தாலுகாவில் உள்ள அனைத்துப் பள்ளிகளுக்கும் இன்று ஒரு நாள் விடுமுறை அளித்து மாவட்ட நிர்வாகம் உத்தரவிட்டுள்ளது.
முரசு புயல் கரையைக் கடந்த போதிலும் வட தமிழகம் மற்றும் புதுச்சேரி கடலோரப் பகுதிகளில் மணிக்கு 40 முதல் 50 கி.மீ வேகத்திலும், இடையிடையே 60 கி.மீ வேகம் வரையிலும் பலத்த சூறாவளிக் காற்று வீசக்கூடும் என எச்சரிக்கப்பட்டுள்ளது.
மீனவர்களுக்கு அறிவுறுத்தல்
கடல் பகுதி கொந்தளிப்புடன் காணப்படும் என்பதால், மீனவர்கள் கடலுக்குச் செல்ல வேண்டாம் என்று வானிலை ஆய்வு மையம் மற்றும் மீன்வளத் துறை சார்பில் அறிவுறுத்தப்பட்டுள்ளனர்.
கடல் பகுதி கொந்தளிப்புடன் காணப்படும் என்பதாக் மீனவர்கள் யாரும் கடலுக்கு செல்ல வேண்டாம் என வானிலை ஆய்வு மையம் மற்றும் மீன்வளத்துறையும் அறிவுறுத்தியுள்ளது.
வானிலை மையம் தரப்பில் பொதுமக்கள் மழைக்கால எச்சரிக்கை நடைமுறைகளைப் பின்பற்றுமாறும், தாழ்வான பகுதிகளில் வாழும் மக்கள் விழிப்புடன் இருக்குமாறும் கேட்டுக்கொள்ளப்பட்டுள்ளனர்.
===========