மூத்த குடிமக்களுக்கு இலவச பேருந்து டோக்கன் விநியோகம் : 39 மையங்களில் சிறப்பு முகாம்: விண்ணப்பிப்பது எப்படி?

Distribution of free bus tokens for senior citizens: Special camps at 39 centers – How to apply?

மூத்த குடிமக்களுக்கு இலவச பேருந்து பயணம்

சென்னையில் வசிக்கும் மூத்த குடிமக்களின் பயண வசதிக்காக, மாநகர் போக்குவரத்துக் கழகம் வழங்கும் கட்டணமில்லா பேருந்து பயண டோக்கன்கள் விநியோகிக்கும் பணிகள் தீவிரமாகத் தொடங்கியுள்ளன.

புதிய அடையாள அட்டைகள்

வரும் ஜூலை 2026 முதல் டிசம்பர் 2026 வரை பயன்படுத்தக்கூடிய அடுத்த 6 மாதங்களுக்கான இலவச பயண டோக்கன்கள் மற்றும் புதிய அடையாள அட்டைகள் தற்பொழுது வழங்கப்பட்டு வருகின்றன.

ஜூன் 21 முதல் ஜூலை 31 வரை சிறப்பு முகாம்கள்

இலவச டோக்கன்களை முதியோர்கள் சிரமமின்றிப் பெறும் வகையில், சென்னை முழுவதும் 39 சிறப்பு விநியோக மையங்கள் அமைக்கப்பட்டுள்ளன.

இந்த மையங்கள் ஜூன் 21 முதல் ஜூலை 31 வரை விடுமுறை நாட்கள் உட்பட அனைத்து நாட்களிலும், காலை 8:00 மணி முதல் இரவு 7:30 மணி வரை தடையின்றி செயல்படும் என அறிவிக்கப்பட்டுள்ளது.

முகாம் நடைபெறும் இடங்கள்

அடையாறு, திருவான்மியூர், தி.நகர், சைதாப்பேட்டை, வடபழனி, அண்ணாநகர், அம்பத்தூர், ஆவடி, தாம்பரம், குரோம்பேட்டை, கிளாம்பாக்கம் உள்ளிட்ட முக்கியப் போக்குவரத்துப் பணிமனைகள் மற்றும் மையங்களில் இந்த முகாம்கள் நடைபெறுகின்றன.

டோக்கன் அளவு மற்றும் மாற்று வழிமுறை

இத்திட்டத்தின் கீழ் தகுதியுள்ள முதியோருக்கு ஒரு மாதத்திற்கு 10 டோக்கன்கள் வீதம், 6 மாதங்களுக்கு மொத்தம் 60 இலவச பயண டோக்கன்கள் ஒரே தவணையாக வழங்கப்படுகின்றன.

பழைய பயனாளிகள் தங்களின் அடையாள அட்டையை புதுப்பித்துக் கொள்ளலாம்; தகுதியுள்ள புதிய பயனாளிகள் புதிய அட்டைகளைப் பெற்றுக் கொள்ளலாம்.

இந்தச் சிறப்பு முகாம் முடிந்த பிறகு, ஆகஸ்ட் 1 முதல் டிசம்பர் 20 வரை வழக்கம்போல அந்தந்தப் பணிமனை அலுவலகங்களில் அலுவலக நேரங்களில் டோக்கன்களைப் பெற்றுக் கொள்ளலாம்.

தேவையான முக்கிய ஆவணங்கள்

புதிதாக விண்ணப்பிக்கும் மூத்த குடிமக்கள் பின்வரும் ஆவணங்களின் நகல்களைச் சமர்ப்பிக்க வேண்டும்:

1. இருப்பிடச் சான்று: குடும்ப அட்டை

2. வயதுச் சான்று: வாக்காளர் அடையாள அட்டை / ஓட்டுநர் உரிமம் / கல்விச் சான்றிதழ் / இதர அரசு அங்கீகாரம் பெற்ற வயதுச் சான்று

3. புகைப்படம்: 2 வண்ண பாஸ்போர்ட் அளவு புகைப்ப

   டங்கள்

அன்றாட தேவைகள், மருத்துவமனை பயணங்கள் மற்றும் உறவினர்களை சந்திக்க செல்லும் முதியோர்களின் நிதிச்சுமையைக் குறைத்து, அவர்களின் சுயசார்பு பயணத்தை ஊக்குவிக்க இத்திட்டம் பெரிதும் உதவும் என எதிர்பார்க்கப்படுகிறது.

=====