”இடைத்தேர்தலில் தவெக வெற்றி உறுதி” : வாக்கு வித்தியாசம் பார்க்கணும் : வட இந்தியாவிலும் விஜய் தாக்கம், செங்கோட்டையன்..!

Minister Sengottaiyan has stated that TVK's victory in the by-elections for the two constituencies is certain

2 தொகுதி இடைத்தேர்தல்

தமிழகத்தில் தாராபுரம், மதுராந்தகம் சட்டமன்ற தொகுதிகளில் அக்டோபர் 6ம் தேதி இடைத்தேர்தல் நடைபெறுகிறது.

இதில், தவெக, திமுக, அதிமுக, இடதுசாரிகள், நாம் தமிழர் என 5 முனைப்போட்டி நிலவுகிறது.

மக்கள் விருப்பத்தை நிறைவேற்றும் முதல்வர்

இந்தநிலையில், கோபிசெட்டிபாளையத்தில் செய்தியாளர்களுக்கு பேட்டியளித்த அமைச்சர் செங்கோட்டையன், “சட்டம், ஒழுங்கை காக்கும் முயற்சியோடு, மக்களின் விருப்பங்களை நிறைவேற்றும் வகையில், முதல்வர் விஜய் செயல்பட்டு வருகிறார்.

தேர்தலில் வெற்றி உறுதி

தாராபுரம், மதுராந்தகம் தொகுதிகளில் தவெகவின் வெற்றி உறுதியாகி விட்டது. வாக்கு வித்தியாசம் எவ்வளவு என்று தான் பார்க்க வேண்டும்.

சூரிய ஒளி மின்சாரம்

பிற மாநிலங்களோடு ஒப்பிடும் போது தமிழ்நாட்டில் மின்வெட்டு குறைவாகவே இருக்கிறது. சோலார் மூலம் பெறப்படும் மின்சார உற்பத்தியை அதிகரித்தால், தமிழகமும் மின்மிகை மாநிலமாகும்.

சட்டசபையில் உறுப்பினர்கள் எப்படி பேசினார்கள் என்பதை பொதுமக்கள் கண்கூடாக பார்த்தனர்.

வட இந்தியாவிலும் விஜய் தாக்கம்

இந்தி மொழி பேசும் வட மாநிலங்களிலும் முதல்வர் விஜய்யின் தாக்கம் இருக்கிறது. அங்கிருந்து வந்தவர்கள், இப்படிப்பட்ட முதல்வர் தங்களுக்கும் தேவை என்று என்னிடம் சொன்னார்கள்.

11,000 கோடி முதலீடுகள் ஈர்ப்பு

முதல்வர் வெளிநாடு சென்றதன் மூலமாக 11,000 கோடிக்கும் அதிகமான முதலீடுகளை ஈர்த்து இருக்கிறார், இவ்வாறு aமைச்சர் செங்கோட்டையன் பேட்டியளித்தார்.

===============