சபாநாயகர் தேநீர் விருந்து : 'இந்தியா' கூட்டணி புறக்கணிப்பு : கனிமொழி பங்கேற்பு..!

While the India Alliance boycotted the tea party hosted by Speaker Om Birla, DMK M.P. Kanimozhi's participation has sparked controversy.

நாடாளுமன்ற கூட்டத்தொடர் நிறைவு

ஜூலை 20-ஆம் தேதி தொடங்கிய நாடாளுமன்ற மழைக்காலக் கூட்டத்தொடர் இரு அவைகளிலும் நிறைவடைந்தது. கூட்டத்தொடர் நிறைவைத் தொடர்ந்து, அனைத்துக் கட்சி எம்.பி.க்களுக்கும் வழக்கம்போல மக்களவைத் தலைவர் ஓம் பிர்லா தேநீர் விருந்து அளித்தார்.

'இந்தியா' கூட்டணி எம்.பி.க்கள் புறக்கணிப்பு

தில்லியில் மாணவர்கள் போராட்டத்தின் போது காவல்துறை தாக்குதலுக்கு அனுமதி அளித்தது யார் என்பது குறித்தும், ராமர் கோயில் நன்கொடை திருட்டு விவகாரம் குறித்தும் 'இந்தியா' கூட்டணி எம்.பி.க்கள் அமளியில் ஈடுபட்டனர். இதன் தொடர்ச்சியாகக் காங்கிரஸ், சமாஜ்வாதி உள்ளிட்ட 'இந்தியா' கூட்டணி எம்.பி.க்கள் இந்தத் தேநீர் விருந்தைப் புறக்கணித்தனர்.

விருந்தில் திமுக எம்.பி. கனிமொழி பங்கேற்பு

'இந்தியா' கூட்டணி புறக்கணித்துள்ள நிலையில், அக்கூட்டணியிலிருந்து விலகியுள்ள திமுகவின் நாடாளுமன்றக் குழுத் தலைவர் கனிமொழி இத்தேநீர் விருந்தில் கலந்துகொண்டார்.

முக்கியத் தலைவர்கள் பங்கேற்பு

மக்களவைத் தலைவர் அளித்த இந்தத் தேநீர் விருந்தில் பிரதமர் நரேந்திர மோதி, மத்திய அமைச்சர்கள் மற்றும் தேசிய ஜனநாயகக் கூட்டணிக் கட்சிகளின் எம்.பி.க்கள் பலர் பங்கேற்றனர்.

அரசியல் வட்டாரத்தில் விவாதம்

பாஜகவுடன் திமுக நெருக்கம் காட்டி வருவதாகவும், தொகுதி மறுவரையறை உள்ளிட்ட மசோதாக்களைத் திமுக உதவியுடன் நிறைவேற்ற பாஜக திட்டமிட்டுள்ளதாகவும் தவெக, காங்கிரஸ் உள்ளிட்ட கட்சிகள் விமர்சித்து வருகின்றன. இந்நிலையில் கனிமொழி தேநீர் விருந்தில் பங்கேற்றது அரசியல் வட்டாரத்தில் பெரும் விவாதத்தை ஏற்படுத்தியுள்ளது.

இதையும் படிங்க: தமிழகத்தில் 2 நாட்களுக்கு பலத்த காற்றுடன் கனமழை : சென்னையில் மிதமான மழை பெய்யும் : வானிலை மையம் அப்டேட்...!

====