தமிழகத்தில் ஆட்டோ மீட்டர் கட்டணங்கள் உயர்த்தப்பட்டுள்ளன. இதன்படி, குறைந்தபட்ச கட்டணம் ரூ.50 ஆகவும், ஒவ்வொரு கூடுதல் கிலோமீட்டருக்கும் ரூ.25 ஆகவும் நிர்ணயம் செய்யப்பட்டுள்ளது.
மேலும், காத்திருப்புக் கட்டணமாக ஒரு நிமிடத்துக்கு ரூ.1 வசூலிக்கவும் அறிவிக்கப்பட்டுள்ளது.
தமிழகத்தில் கடந்த 2013-ம் ஆண்டு ஆகஸ்ட் மாதத்தில்தான் ஆட்டோ மீட்டர் கட்டணங்கள் கடைசியாக அதிகாரப்பூர்வமாக மாற்றியமைக்கப்பட்டன.
அப்போது முதல் 1.8 கிலோமீட்டர் தூரத்துக்கு குறைந்தபட்ச கட்டணமாக ரூ.25-ம், அதன்பிறகு ஒவ்வொரு கூடுதல் கிலோமீட்டருக்கும் ரூ.12-ம் நிர்ணயம் செய்யப்பட்டது.
கடந்த 13 ஆண்டுகளில் பெட்ரோல், சிஎன்ஜி எரிபொருள் விலைகள், வாகனக் காப்பீட்டுக் கட்டணங்கள் மற்றும் உதிரிபாகங்களின் விலைகள் அதிகரித்துள்ளன.
இதனால் பழைய கட்டணத்தில் ஆட்டோக்களை இயக்குவது சிரமமாக இருப்பதாக ஓட்டுநர்கள் தெரிவித்தனர்.
எனவே, கட்டணத்தை உயர்த்தி புதிய கட்டண முறையை அறிவிக்க வேண்டும் என அரசிடம் கோரிக்கை விடுத்து வந்தனர்.
ஓட்டுநர்களின் கோரிக்கையை ஏற்று தமிழக அரசு புதிய கட்டணத்தை அறிவித்துள்ளது.
இதன் மூலம் ஆட்டோ ஓட்டுநர்களின் எரிபொருள் மற்றும் பராமரிப்புச் செலவுகளைச் சமாளிக்க உதவும் என எதிர்பார்க்கப்படுகிறது.
அதே நேரத்தில், ஆட்டோவில் பயணம் செய்யும் பொதுமக்களுக்கான பயணச் செலவும் அதிகரிக்க வாய்ப்புள்ளது
தமிழகத்தில் ஆட்டோவில் பயணம் செய்வதற்கான கட்டணங்கள் உயர்த்தப்பட்டுள்ளதால், பொதுமக்கள் இனி கூடுதல் செலவு செய்ய வேண்டிய நிலை ஏற்பட்டுள்ளது.
புதிய கட்டண முறையின்படி, முதல் 1.8 கிலோமீட்டர் தூரத்துக்கு ரூ.50 வசூலிக்கப்படும். அதற்குப் பிறகு ஒவ்வொரு கூடுதல் கிலோமீட்டருக்கும் ரூ.25 கட்டணமாக நிர்ணயிக்கப்பட்டுள்ளது.
மேலும், பயணிகள் காத்திருக்க வேண்டிய சூழலில் ஒரு நிமிடத்துக்கு ரூ.1 காத்திருப்புக் கட்டணமாக வசூலிக்கப்படும் என அறிவிக்கப்பட்டுள்ளது.
=======================