Tamil Nadu Rain Forecast Next 3 Hours RMC Update
வானிலை நிலவரம் மற்றும் வளிமண்டல சுழற்சி
தமிழகத்தின் பெரும்பாலான மாவட்டங்களில் அடுத்த 3 மணி நேரத்துக்கு மழை தொடரும் என்று சென்னை வானிலை ஆய்வு மையம் தெரிவித்துள்ளது.
தமிழகப் பகுதிகளின் மேல் சுமார் 3.1 கி.மீ. முதல் 4.5 கி.மீ. உயரம் வரை ஒரு வளிமண்டல சுழற்சி நிலவுகிறது. அதேபோல், தெற்கு கடலோர ஆந்திர பகுதிகள் மற்றும் அதனை ஒட்டிய பகுதிகளின் மேல் சுமார் 1.5 கி.மீ. உயரம் வரை மற்றொரு வளிமண்டல சுழற்சி நிலவுகிறது.
மேலும், தெற்கு கடலோர ஆந்திர பகுதிகளின் மேல் நிலவும் வளிமண்டல சுழற்சியிலிருந்து வடமேற்கு வங்கக்கடல் பகுதிகள் வரை ஒரு காற்றழுத்த தாழ்வுப் பாதை நிலவுகிறது.
மிதமான மழை பெய்ய வாய்ப்புள்ள மாவட்டங்கள்
இதன் காரணமாக தமிழகத்தில் அடுத்த 3 மணி நேரத்தில் அதாவது இரவு 7 மணி வரை கீழ்வரும் மாவட்டங்களில் மிதமான மழை பெய்ய வாய்ப்புள்ளதாக சென்னை வானிலை ஆய்வு மையம் அறிவித்துள்ளது.
அதன்படி....
செங்கல்பட்டு
தர்மபுரி
காஞ்சிபுரம்
கன்னியாகுமரி
கிருஷ்ணகிரி
புதுக்கோட்டை
ராமநாதபுரம்
ராணிப்பேட்டை
சிவகங்கை
தென்காசி
திருவள்ளூர்
தூத்துக்குடி
திருநெல்வேலி
திருப்பத்தூர்
திருவண்ணாமலை
வேலூர்
விழுப்புரம்
விருதுநகர்
லேசானது முதல் மிதமான மழை பெய்ய வாய்ப்புள்ள மாவட்டங்கள்
அதேவேளையில் அரியலூர், சென்னை, கோயம்புத்தூர், கடலூர், திண்டுக்கல், ஈரோடு, கள்ளக்குறிச்சி, கரூர், மதுரை, நாமக்கல், பெரம்பலூர், சேலம், தஞ்சாவூர், தேனி, நீலகிரி, திருச்சி மற்றும் திருப்பூர் ஆகிய மாவட்டங்களில் லேசானது முதல் மிதமான மழை பெய்ய வாய்ப்புள்ளதாகச் சென்னை வானிலை ஆய்வு மையம் வெளியிட்ட அறிக்கையில் தெரிவிக்கப்பட்டுள்ளது.
இதையும் படிங்க : ரஜினியின் ஜெயிலர் 2:முதல் நாளில் ரூ.125 கோடி வசூல்; வார இறுதியில் ரூ. 200 கோடியைத் தாண்டுமா? உற்சாகத்தில் ரசிகர்கள்!
===========