இரண்டு தொகுதிகளில் இடைத்தேர்தல்
மதுராந்தகம் (தனி) மற்றும் தாராபுரம் (தனி) ஆகிய இரண்டு சட்டமன்றத் தனித்தொகுதிகளுக்கான இடைத்தேர்தல் அக்டோபர் 6ம் தேதி நடைபெறவுள்ளது.
முதல்வர் விஜய் நாளை பிரச்சாரம்
தாராபுரம் தொகுதியில் தமிழக வெற்றிக் கழக வேட்பாளரை ஆதரித்து, முதலமைச்சர் விஜய் நாளை ( புதன்கிழமை ) பிரம்மாண்ட பொதுக்கூட்டத்தில் கலந்துகொண்டு பிரச்சாரம் மேற்கொள்ள இருக்கிறார்.
பிரமாண்ட பொதுக்கூட்டம்
முதலமைச்சரின் வருகையை ஒட்டி, தாராபுரத்தில் ஏற்பாடுகள் தீவிரமாக நடைபெற்று வருகின்றன. குறிப்பாக, தாராபுரம் - உடுமலை சாலையில் சுமார் 34 ஏக்கர் பரப்பளவில் பிரம்மாண்டமான மேடை மற்றும் பொதுக்கூட்டத்திற்கான இடங்கள் அமைக்கப்பட்டு வருகின்றன.
முதலமைச்சர் ரோடு ஷோ
முதல்வர் விஜய் சாலை வழியாக வேனில் சென்று பொதுமக்களிடம் வாக்கு சேகரிக்க இருக்கிறார். சாலையின் இருபுறமும் பாதுகாப்புத் தடுப்புகள் அமைக்கப்படுவதோடு, 2 ஆயிரத்திற்கும் மேற்பட்ட போலீசார் பாதுகாப்பு பணியில் ஈடுபடுத்தப்படுகின்றனர்.
தவெக நிர்வாகிகள் தொடர் ஆலோசனை
முதலமைச்சரின் வருகையை முன்னிட்டு, கட்சியினர் மற்றும் முக்கிய நிர்வாகிகள் தீவிர ஆலோசனைக் கூட்டங்களை நடத்தி வருகின்றனர்.
இந்த ஆலோசனைக் கூட்டத்தில் அமைச்சர்கள் மற்றும் அப்பகுதியைச் சேர்ந்த 20-க்கும் மேற்பட்ட சட்டமன்ற உறுப்பினர்கள் பெருமளவில் பங்கேற்றுள்ளனர்.
பூத் வாரியாக வியூகம்
தாராபுரம் சட்டமன்றத் தொகுதி இடைத்தேர்தலை வெற்றிகரமாக எதிர்கொள்ளும் வகையில், தமிழக வெற்றிக் கழகத்தின் சார்பில் பொறுப்பு அமைச்சர்கள் நியமிக்கப்பட்டுள்ளனர்.
தேர்தல் பணிகளில் மும்முரம்
அவர்களின் வழிகாட்டுதலின்படி, ஒவ்வொரு பூத் வாரியாகவும் நிர்வாகிகள் நியமனம் செய்யப்பட்டுள்ளனர். குறிப்பாக, ஒவ்வொரு நான்கு பூத்களுக்கும் ஒரு மாவட்ட செயலாளர் என்ற முறையில் தேர்தல் பணிகள் துரிதப்படுத்தப்பட்டுள்ளன.
பூத் நிர்வாகிகளை சந்திக்கிறார் விஜய்?
தாராபுரம் சட்டமன்றத் தொகுதியில் தேர்தல் பணியாற்றக்கூடிய பூத் கமிட்டி உறுப்பினர்கள் மற்றும் நிர்வாகிகளை முதலமைச்சர் விஜய் நேரடியாகச் சந்திப்பதற்கான தனித் திட்டம் ஒன்றும் வகுக்கப்பட்டுள்ளதாக தகவல் வெளியாகி உள்ளது.
தமிழக வெற்றிக் கழகத்தின் இந்த அதிரடி நகர்வுகள் மற்றும் பிரம்மாண்டமான பிரச்சார ஏற்பாடுகள், கொங்கு மண்டல அரசியல் களத்தில் பெரும் எதிர்பார்ப்பை ஏற்படுத்தியுள்ளன.
தாராபுரம் அதிமுகவின் வலுவான கோட்டை என்ற நிலையில், அங்கு தவெக வெற்றிக் கொடியை நாட்டுமா என்ற எதிர்பார்ப்பு மேலோங்கி உள்ளது.
=================