TN Differently Abled Free Bus Travel Scheme Expansion
இலவசப் பயணத் திட்ட விரிவாக்கம்
தமிழ்நாட்டில் சாதாரண கட்டணப் பேருந்துகள் மட்டுமின்றி, அரசு விரைவுப் பேருந்துகள் உட்பட கூடுதல் வகை அரசுப் பேருந்துகளிலும் மாற்றுத்திறனாளிகள் இலவசமாக பயணம் செய்யும் வகையிலான அரசாணையைத் தமிழ்நாடு அரசு வெளியிட்டுள்ளது.
மாற்றுத்திறனாளிகள் நலத்துறை சார்பில் 2026-27-ஆம் நிதியாண்டிற்கான அறிவிப்பை செயல்படுத்தும் வகையில், கடந்த அக்டோபர் 27-ஆம் தேதி வெளியிடப்பட்ட அரசாணையில் இதற்கான உத்தரவுகள் பிறப்பிக்கப்பட்டுள்ளன.
இலவசப் பயணம் அனுமதி உள்ள பேருந்துகள்
மாநகர மற்றும் நகர தாழ்தளப் பேருந்துகள்
அரசு விரைவுப் பேருந்துகள் (SETC)
எல்.எஸ்.எஸ் (LSS) மற்றும் டீலக்ஸ் பேருந்துகள்
புறநகர்ப் பேருந்துகள் மற்றும் மலைப்பகுதிகளில் இயக்கப்படும் சாதாரணக் கட்டணப் பேருந்துகள்
குறிப்பு: குளிர்சாதனப் (A/C) பேருந்துகளுக்கு இந்த இலவசப் பயண சலுகை பொருந்தாது.
தகுதிகள் மற்றும் பயன்பாட்டு நடைமுறைகள்
40 சதவீதம் அல்லது அதற்கு மேல் மாற்றுத்திறன் கொண்ட நபர்கள் இத்திட்டத்தின்கீழ் பயனடையலாம். தகுதியுள்ள மாற்றுத்திறனாளிகளுடன் பயணிக்கும் ஒரு துணையாளரும் (Escort) கட்டணமில்லாமல் பயணம் செய்ய அனுமதி அளிக்கப்பட்டுள்ளது.
UDID அட்டை, எண் கட்டாயம்
பயணத்தின்போது 40% அல்லது அதற்கு மேல் மாற்றுத்திறன் இருப்பதை உறுதிப்படுத்தும், 16 இலக்க எண்ணைக் கொண்ட UDID அடையாள அட்டையைக் நடத்துநரிடம் காண்பிக்க வேண்டும்.
இலவசப் பயணச் சீட்டு
பயணத்தைக் கணக்கிடும் வகையில், மாற்றுத்திறனாளிக்கும் அவருடன் வரும் துணையாளருக்கும் நடத்துநர்கள் இலவசப் பயணச் சீட்டு வழங்குவர்.
நிதி ஒதுக்கீடு மற்றும் நடைமுறைப்படுத்துதல்
இத்திட்ட விரிவாக்கத்திற்காக ரூ.114 கோடி கோரப்பட்டிருந்த நிலையில், தற்போது முதற்கட்டமாக ரூ.7.90 கோடி நிதி ஒதுக்கீடு செய்து அரசாணை பிறப்பிக்கப்பட்டுள்ளது.
பிற சலுகைகள்
இதர மாற்றுத்திறனாளிகளுக்கு தற்போது வழங்கப்பட்டு வரும் 75 சதவீத பேருந்து கட்டணச் சலுகை தொடர்ந்து நடைமுறையில் இருக்கும். இப்புதிய உத்தரவுகள் 2026 அக்டோபர் 27-ஆம் தேதி முதல் தமிழ்நாடு முழுவதும் நடைமுறைக்கு வந்துள்ளன.
==========