மத்திய பட்ஜெட் 2026 -27
Various political parties have welcomed and criticized the Union Budget 2026-27 : நாடாளுமன்ற வரலாற்றில் முதன்முறையாக, ஞாயிற்றுக்கிழமை, மத்திய பட்ஜெட் தாக்கல் செய்யப்பட்டது. நிதியமைச்சர் நிர்மலா சீதாராமன் தாக்கல் செய்த பட்ஜெட்டில், பல்வேறு அறிவிப்புகள் இடம்பெற்று இருந்தன.
இளைஞர்கள், பெண்கள், ஏஐ தொழில்நுட்பத்திற்கு முன்னுரிமை வழங்கப்பட்டு இருந்தது. பட்ஜெட் குறித்து பல்வேறு கட்சிகளின் தலைவர்கள் முன்வைத்த கருத்துக்களை பார்க்கலாம்...
மத்திய அமைச்சர் எல். முருகன்
* ஆதிச்சநல்லூரில் கலாச்சார மையம், பொதிகை மலையேற்ற சுற்றுலா திட்டம் தமிழகத்துக்கு ஏராளமான திட்டங்கள் அறிவிப்பு
* வளர்ச்சி அடைந்த பாரதம் 2047 என்ற லட்சியத்தை அடைவதற்கான உறுதியான பாதை வகுப்பு
தமிழக நிதி அமைச்சர் தங்கம் தென்னரசு
* மத்திய பட்ஜெட் தமிழக மக்களுக்கு பெரும் ஏமாற்றம்
* மாநிலத்தின் அடிப்படை வளர்ச்சிக்கான தேவைகள், வேலைவாய்ப்பு, கல்வி, சுகாதாரம், தொழில்துறை முதலீடு போன்றவற்றில் தெளிவான அறிவிப்புகள் இல்லை
* நாட்டின் வளர்ச்சிக்கு முக்கியப் பங்காற்றும் தமிழகத்துக்கு உரிய பங்கீடு இல்லை
* தமிழ் மக்களின் எதிர்பார்ப்புகளை முற்றிலும் புறக்கணித்த பட்ஜெட் இது.
தமிழக பாஜக தலைவர் நயினார் நாகேந்திரன்
* சென்னை- ஹைதராபாத்- பெங்களூரு நகரங்களை இணைத்து அதிவேக ரயில் வழித்தடச் சேவைக்கு வரவேற்பு
பாமக தலைவர் அன்புமணி
* தமிழகத்துக்கு ஏராளமான திட்டங்கள் அறிவிக்கப்பட்டிருப்பது மகிழ்ச்சி
* வரி வருவாயில் 41% மட்டுமே மாநிலங்களுக்கு பகிர்ந்து வழங்கப்படும் என்ற அறிவிப்பு ஏமாற்றம்
தமாகா தலைவர் ஜி.கே.வாசன்
* அரிய வகை கனிமங்கள் எடுக்க வழித்தடம், அதிவேக ரயில் வழித்தடம், பொதிகை மலையேற்ற சுற்றுலா வழித்தடம் ஆகியவை தமிழக பொருளாதார வளர்ச்சிக்கு உதவும்
டிடிவி தினகரன்
* 9வது முறையாக பட்ஜெட்டை தாக்கல் செய்த நிதியமைச்சர் நிர்மலா சீதாராமனுக்கு மனமார்ந்த பாராட்டு
* வளர்ச்சியடைந்த பாரதம் எனும் இந்தியாவின் இலக்கை எளிதாக எட்டிப் பிடிக்கும் அம்சங்கள்
தமிழக பாஜக முன்னாள் தலைவர் அண்ணாமலை
* ஆதிச்சநல்லூர் உட்பட நாட்டின் 15 தொல்லியல் இடங்களை கலாச்சார மையங்களாக மேம்பாடு
* இந்தியாவின் செழிப்பான நாகரிகத்தை உலகுக்கே நாம் பறைசாற்ற முடியும்.
திமுக எம்.பி கனிமொழி
* தமிழகத்தின் அடிப்படை வளங்களை சுரண்டும் பட்ஜெட்
* தமிழக மக்களுக்கு மிகப்பெரிய அநீதி
* தமிழகத்துக்கான திட்டங்களும் இல்லை, திருக்குறளும் இல்லை.
* தமிழகம், கேரளம், மேற்கு வங்கம் ஆகிய மாநிலங்கள் புறக்கணிப்பு
இவ்வாறு அரசியல் கட்சிகள் தங்கள் கருத்துக்களையும், விமர்சனங்களையும் முன்வைத்துள்ளன.
=====