தமிழகத்தில் தவெக ஆட்சி
2021 முதல் 2026 மே வரை தமிழகத்தில் திமுக ஆட்சிப் பொறுப்பில் உள்ளது. சட்டசபை தேர்தலில் அதிக இடங்களை கைப்பற்றிய விஜயின் தமிழக வெற்றிக் கழகம், மற்ற கட்சிகளின் ஆதரவோடு ஆட்சி அமைத்து இருக்கிறது.
வெள்ளை அறிக்கை - முதல்வர் அறிவிப்பு
முதல்வராக ஆட்சிப் பொறுப்பேற்ற விஜய், நிதிநிலை குறித்த வெள்ளை அறிக்கை வெளியிடப்படும் என்று கூறியிருந்தார். அதன்படி, வெள்ளை அறிக்கையை நிதியமைச்சர் மரிய வில்சன், தலைமைச் செயலகத்தில் வெளியிட்டார்.
வெள்ளை அறிக்கையில் கூறப்பட்டு இருக்கும் முக்கிய அம்சங்களை பார்க்கலாம் :
* கரோனா பெருந்தொற்றுக்குப் பிந்தைய 2021-22 முதல் 2025-26 வரையிலான ஐந்தாண்டு காலக் கட்டமே வெள்ளை அறிக்கையின் மையப் பகுப்பாய்வு
எதிர்திசையில் தமிழக வளர்ச்சி
* கரோனா பெருந்தொற்றுக்குப் பிந்தைய மீட்சிக் காலத்தில் கர்நாடகா, மகாராஷ்டிரா போன்ற மாநிலங்கள் தங்களின் நிதி நிலையைச் சீரமைத்துள்ள நிலையில், தமிழகத்தின் வளர்ச்சி குறியீடுகள் எதிர் திசையிலேயே நகர்ந்துள்ளன.
* தமிழகத்தில் ரூ.46,538 கோடியாக இருந்த வருவாய் பற்றாக்குறை கடந்த 5 ஆண்டுகளில் ரூ.78,324 கோடியாக உயர்ந்துள்ளது.
* கரோனா பெருந்தொற்று ஆண்டை விடவும் வரலாறு காணாத உச்சத்தை அடைந்துள்ளது.
* மாநில சொத்து வரி வருவாய் கடும் வீழ்ச்சியைச் சந்தித்துள்ளது.
* தற்போதைய நுகர்வுச் செலவுகளை ஈடுகட்டவே மாநிலம் கடன் பெற்றுள்ளது என்பதை இது காட்டுகிறது.
* தமிழகத்தின் நிலுவையில் உள்ள கடன் பொறுப்புகள், 2021 ஏப்.1-ம் தேதி முதல் 2026 மார்ச் 31-ம் தேதி வரை கடந்த 5 ஆண்டுகளில் ரூ.5.13 லட்சம் கோடியில் இருந்து ரூ.10 லட்சம் கோடியாக உயர்ந்துள்ளது.
தனிநபர் கடன்சுமை ரூ.1,28,934
* தனிநபர் கடன் சுமை ரூ.1,28,934 ஆக உயர்ந்துள்ளது. இது மற்ற மாநிலங்களை விட அதிகம்.
*ஆண்டு வட்டிச் சுமையானது 2021-22-ம் ஆண்டில் ரூ.41,564 கோடியாக இருந்த நிலையில், 2025-26-ல் ரூ.67,050 கோடியாக உயர்ந்துள்ளது
34.8% வட்டிக்கே செல்கிறது
* மொத்த வருவாய் வரவுகளில் சுமார் 22.8 சதவீதமும், மாநிலத்தின் சொந்த வரி வருவாயில் 34.8 சதவீதத்துக்கு மேல் வட்டி செலுத்துவதற்கே செல்கிறது.
* மாநிலத்தின் நிதி நெருக்கடிக்கு முக்கியக் காரணமாக வட்டியே உள்ளது.
ரூ.51,000 கோடி வருவாய் இழப்பு
* ஜிஎஸ்டி, பெட்ரோலிய வரிமற்றும் மதுபான வரி போன்றவற்றில் முறையான மேலாண்மை இல்லாததால் ஆண்டுக்கு ரூ.51,000 கோடி வருவாய் இழப்பு ஏற்படுகிறது.
* புதிய திட்டங்களுக்கு மூலதனச் செலவு வெறும் 11.8 சதவீதம் மட்டுமே உள்ளது.
மின்துறை கடன் ரூ.2.47 லட்சம் கோடி
* மின்துறை நிறுவனங்களின் கடன் மட்டும் ரூ.2.47 லட்சம் கோடியாக உள்ளது.
போக்குவரத்துதுறை ரூ.72,667 கோடி கடன்
* போக்குவரத்துத் துறையில் ஒரு கி.மீ. செலவு ரூ.78.81 ஆகவும், வருவாய் ரூ.25.97 ஆகவும் உள்ளது. அதன்படி, போக்குவரத்து துறையில் ரூ.72,667 கோடி இழப்பு ஏற்பட்டுள்ளது.
மொத்த கடன்சுமை ரு.13.18 லட்சம் கோடி
* இவற்றையும் சேர்த்துக் கணக்கிடும் போது, மொத்த நிதிச்சுமை ரூ.13.18 லட்சம் கோடியை எட்டுகிறது.
* 2021 - 2026 ஆண்டு காலக் கட்டத்தில் ரூ.4.87 லட்சம் கோடி கடன் பெறப்பட்டிருந்தது.
60 ஆண்டுகளில் இல்லாத அளவு கடன்
* இந்த 5 ஆண்டு கால கடன், மாநிலம் தனது முதல் 60 ஆண்டு காலத்தில் பெற்ற கடனை விட அதிகமாகும்.
* 2025-26-ம் ஆண்டின் முதல் நிலை கணக்குகளின்படி நிதிப் பற்றாக்குறை ரூ.1,33,208 கோடியாகவும், மாநில மொத்த உள்நாட்டு உற்பத்தி 3.77 சதவீதமாகவும் உயர்ந்துள்ளது.
* இது இதுவரை பதிவானவற்றில், மிக உயர்ந்த நிதிப் பற்றாக்குறையாகும்.
வருவாய் திரட்டலை அதிகரிக்க வேண்டும்
* இந்த இக்கட்டான சூழலில் இருந்து மீள, வருவாய் திரட்டுவதை அதிகரித்தல், செலவினங்களை முறைப்படுத்துதல், பொதுத்துறை நிறுவனங்களில் சீர்திருத்தம் மற்றும் ஊழலற்ற நிர்வாகம் அவசியம்
என்று மரிய வில்சன் தாக்கல் செய்த வெள்ளை அறிக்கை பரிந்துரைக்கிறது.
=================