தோற்றாலும் ஜெயித்தாலும் எனக்கு ஸ்வீட் அங்கிள் ஸ்டாலின் தான்: மதுராந்தகம் பிரச்சாரத்தில் முதல்வர் விஜய் !

During the Maduranthakam by-election campaign, Vijay campaigned in support of the TVK candidate, alleging that the AIADMK had turned into a branch of the DMK.

மதுராந்தகம் இடைத்தேர்தல் பிரச்சாரம்

செங்கல்பட்டு மாவட்டம் மதுராந்தகம் சட்டப்பேரவைத் தொகுதியில் இடைத்தேர்தல் நடைபெறவுள்ள நிலையில், தவெக சார்பில் போட்டியிடும் வேட்பாளர் மரகதம் குமரவேலை ஆதரித்து முதல்வர் விஜய் தீவிர பிரச்சாரம் மேற்கொண்டு வருகிறார்.

அதிமுக மீது காரசார விமர்சனம்

பிரச்சாரத்தின் போது பேசிய முதல்வர் விஜய், அதிமுக தற்போது திமுகவின் கிளையாக மாறிவிட்டது என்று குற்றம்சாட்டினார். திமுகவுடன் இணைந்து அதிமுக ஆட்சி அமைக்க முயற்சிக்கும் போதே அவர்களின் முகமூடி கிழிந்துவிட்டது என்றும் தெரிவித்தார்.

மக்களுக்கான ஆட்சி மாற்றம்

லஞ்சத்தை ஒழிக்கவும், பெண்கள் பாதுகாப்புக்காகவும் விஜய் ஆட்சிக்கு வரக்கூடாதா என்று கேள்வி எழுப்பிய முதல்வர் விஜய், சாமானியர்களுடன் விஜய் ஆட்சிக்கு வந்தால் ஊழல் செய்ய முடியாது என்பதற்காகவே சிலர் ஆட்சியைத் தடுக்கப் பார்க்கிறார்கள் என்று கூறினார்.

விசில் சின்னத்திற்கு வாக்களிக்க கோரிக்கை

திமுகவினர் தினமும் தங்களைப் பற்றி ஆபாசமாகப் பேசி வருவதாகவும், அதற்கு விசிலடிச்சு வாக்களிப்பதே மக்களுக்கு சரியான தண்டனையாக இருக்கும் என்றும், திமுகவுக்கு வாக்களிப்பது பெண்களை ஆபாசமாக பேசுபவர்களுக்கு ஆதரவளிப்பதற்கு சமம் என்றும் அவர் குறிப்பிட்டார்.

ஊழல் குற்றச்சாட்டுகள் குறித்து கேள்வி

ஊழல் செய்தவர்களை ஒருபோதும் விடமாட்டோம் என்று கூறிய முதல்வர் விஜய், 'மக்கள் பணத்தைத் தொட்டதில்லை, தொட மாட்டோம்' எனத் திமுகவால் உறுதியாகச் சொல்ல முடியுமா என்று சவால் விடுத்தார். மேலும் ஸ்டாலின் தோற்றாலும் ஜெயித்தாலும் எனக்கு ஸ்வீட் அங்கிள் தான் என்றும் அவர் தனது உரையில் குறிப்பிட்டார்.

இதையும் படிங்க : பாரம்பரிய வெடி வழிபாடு : சபரிமலை ஐயப்பன் கோவிலில் நிறுத்தம் : தேவசம்போர்டு அதிரடி முடிவு, பக்தர்கள் வேதனை...!

======