ஐ.நா. பொதுச் சபை கூட்டத்தில் பங்கேற்றுள்ள நேபாள பிரதமர் பலேன் ஷா, காலநிலை மாற்றத்தின் தாக்கம் இமயமலைப் பகுதியில் மிக வேகமாக அதிகரித்து வருவதாக தெரிவித்தார்.
அண்மையில் நேபாளத்தில் ஏற்பட்ட பேரழிவு வெள்ளம், நிலச்சரிவு மற்றும் பனிப்பாறை உடைப்பு சம்பவங்கள் இதற்கு எடுத்துக்காட்டு என்றும் அவர் கூறினார்.
இமயமலைப் பகுதி இந்தியா, சீனா, நேபாளம் உள்ளிட்ட பல நாடுகளின் சுற்றுச்சூழல் மற்றும் நீர்வள பாதுகாப்புடன் நேரடியாக தொடர்புடையது.
எனவே தரவு பகிர்வு, பேரிடர் முன் எச்சரிக்கை அமைப்புகள், சுற்றுச்சூழல் பாதுகாப்பு மற்றும் காலநிலை மாற்றத்தை எதிர்கொள்ளும் நடவடிக்கைகளில் இந்தியாவும் சீனாவும் இணைந்து செயல்பட வேண்டும் என பலேன் ஷா அழைப்பு விடுத்துள்ளார்.
ஆகஸ்ட் 26 அன்று நேபாளத்தில் ஏற்பட்ட பனிப்பாறை சரிவு மற்றும் வெள்ளப் பேரழிவில் ஆயிரத்திற்கும் மேற்பட்டோர் உயிரிழந்ததுடன், ஆயிரக்கணக்கானோர் காணாமல் போனதாக அதிகாரப்பூர்வ தகவல்கள் தெரிவிக்கின்றன.
நீர்மின் திட்டங்கள், சாலைகள், பாலங்கள் உள்ளிட்ட முக்கிய கட்டமைப்புகளும் கடுமையாக சேதமடைந்தன.
காலநிலை மாற்றத்தால் அதிகம் பாதிக்கப்படும் நாடுகளில் ஒன்றாக நேபாளம் இருப்பதாக கூறிய பலேன் ஷா, இது வெறும் நேபாளத்தின் பிரச்சினை அல்ல என்றும், இமயமலையை பகிர்ந்து கொள்ளும் அனைத்து நாடுகளின் பொறுப்பும் ஆகும் என்றும் வலியுறுத்தினார்.
காலநிலை நீதி, பேரிடர் தடுப்பு மற்றும் மறுசீரமைப்பு நடவடிக்கைகளுக்கு சர்வதேச ஆதரவு தேவை என்றும் அவர் தெரிவித்துள்ளார்
இமயமலையை பாதுகாப்பது ஒரு நாட்டின் பொறுப்பு மட்டுமல்ல என்றும், எல்லைகளை கடந்து செல்லும் சுற்றுச்சூழல் மற்றும் காலநிலை சவால்களை எதிர்கொள்ள பிராந்திய நாடுகள் ஒன்றிணைந்து செயல்பட வேண்டியது அவசியம் என்றும் பலேன் ஷா தெரிவித்துள்ளார்.
குறிப்பாக இந்தியா மற்றும் சீனா போன்ற பெரிய நாடுகளின் ஒத்துழைப்பு இமயமலைப் பகுதியின் நீண்டகால பாதுகாப்பிற்கு முக்கியமானதாக இருக்கும் என அவர் வலியுறுத்தியுள்ளார்.
====================