The film 'Magudam', directed by and starring Vishal, is set to release on the Amazon Prime Video OTT platform on September 11.
இயக்குநராக விஷாலின் அறிமுகம்
தமிழ் திரையுலகில் முன்னணி நடிகராக வலம் வரும் விஷால் முதன்முறையாக இயக்குநராக அவதாரமெடுத்து அவரே முதன்மை கதாபாத்திரத்தில் நடித்த திரைப்படம் 'மகுடம்'.
இத்திரைப்படத்தில் விஷால் மூன்று வித்தியாசமான வேடங்களில் நடித்துள்ளார். அவருடன் துஷாரா விஜயன், அஞ்சலி, ஜான் விஜய் உள்ளிட்ட பலர் முக்கிய கதாபாத்திரங்களில் நடித்துள்ளனர்.
விலகிய ரவி அரசு இயக்குநராக மாறிய விஷால்
முதலில் இத்திரைப்படத்தை ரவி அரசு இயக்குவதாக இருந்த நிலையில், அவருக்கும் விஷாலுக்கும் இடையே ஏற்பட்ட கருத்து வேறுபாடு காரணமாகப் படத்திலிருந்து ரவி அரசு விலகினார். அதைத் தொடர்ந்து விஷாலே படத்தை இயக்கி முடித்தார்.
திரையரங்குகளில் நெகட்டிவ் விமர்சனங்கள்
கடந்த ஆகஸ்ட் 14-ஆம் தேதி திரையரங்குகளில் வெளியான 'மகுடம்' திரைப்படத்திற்கு ரசிகர்கள் மற்றும் விமர்சகர்களிடம் இருந்து பலத்த எதிர்மறைவிமர்சனங்கள் மட்டுமே கிடைத்தன.
குறிப்பாக விஷாலின் இயக்கம் மற்றும் திரைக்கதை அமைக்கப்பட்ட விதம் சமூக வலைதளங்களில் கடுமையாக விமர்சிக்கப்பட்டு, திரையரங்க வசூலிலும் பாதிப்பை சந்தித்திருந்தது.
ஓடிடி ரிலீஸ் தேதி அறிவிப்பு
திரையரங்க வெளியீட்டைத் தொடர்ந்து தற்போது 'மகுடம்' திரைப்படம் ஓடிடி தளத்திற்கு வரத் தயாராகியுள்ளது. அதன்படி வரும் செப்டம்பர் 11-ஆம் தேதி 'அமேசான் பிரைம் வீடியோ' ஓடிடி தளத்தில் இத்திரைப்படம் அதிகாரப்பூர்வமாக வெளியாகவுள்ளது.
தமிழ், தெலுங்கு, மலையாளம் மற்றும் கன்னடம் ஆகிய நான்கு மொழிகளில் இப்படத்தைக் கண்டு ரசிக்கலாம் எனப் படக்குழு அறிவித்துள்ளது.
இதையும் படிங்க : Election Commission: அங்கீகரிக்கப்பட்ட மாநில அரசியல் கட்சியானது தவெக, சின்னத்திற்கும் ஒப்புதல் : தொண்டர்கள் மகிழ்ச்சி!
====
