தென்கொரிய சுற்றுலாத்துறையின் புதிய தூதரானார் நடிகை பிரியங்கா மோகன் !

Actress Priyanka Mohan has been appointed as the Tourism Ambassador for South Korea. This marks international recognition earned through the success of the film 'Made in Korea'! Here are the full details.

பிரபல தென்னிந்திய திரைப்பட நடிகை பிரியங்கா மோகன், தென்கொரிய நாட்டின் சுற்றுலாத்துறையை உலகளவில் மேம்படுத்துவதற்கான புதிய தூதராக அதிகாரப்பூர்வமாக நியமிக்கப்பட்டுள்ளார்.

தென்கொரிய அதிபருக்கு சிறப்பு விருந்து

தென்கொரிய அதிபர் லீ ஜே மியுங்க், கடந்த ஏப்ரல் மாதத்தில் மூன்று நாள் அரசு முறைப் பயணமாக இந்தியாவிற்கு வருகை தந்திருந்தார் . அவரது வருகையையொட்டி இந்தியக் குடியரசுத் தலைவர் மாளிகையில் ஒரு சிறப்பு விருந்து நிகழ்வு நடைபெற்றது.

சிறப்பு விருந்தில் நடிகை பிரியங்கா மோகன்

இந்த சிறப்பு விருந்தில் கலந்துகொள்ள நடிகை பிரியங்கா மோகனுக்கு பிரத்யேக அழைப்பு விடுக்கப்பட்டிருந்தது. அதன்படி வருகை தந்த நடிகை பிரியங்கா மோகன் தென்கொரிய அதிபரை நேரில் சந்தித்து உரையாடினார்.

'மேட் இன் கொரியா' படத்திற்கு கிடைத்த அங்கீகாரம்

தென்கொரியாவை மையமாகக் கொண்டு எடுக்கப்பட்ட 'மேட் இன் கொரியா' என்ற திரைப்படத்தின் பிரம்மாண்ட வெற்றியை உலகளவில் அங்கீகரிக்கும் விதமாகவே, குடியரசுத் தலைவர் மாளிகை விருந்தில் பங்கேற்கும் இந்த அரிய வாய்ப்பு நடிகை பிரியங்கா மோகனுக்கு வழங்கப்பட்டது.

சுற்றுலாத்துறை தூதரான நடிகை பிரியங்கா மோகன்

அதன் தொடர்ச்சியாக, தற்போது அந்நாட்டு அரசாங்கம் தங்களின் சுற்றுலாத்துறை தூதராக நடிகை பிரியங்கா மோகனைத் தேர்ந்தெடுத்து அதிகாரப்பூர்வமாக அறிவித்துள்ளது.

இந்த புதிய பொறுப்பு இந்திய மற்றும் தென்கொரிய நாடுகளுக்கு இடையிலான கலை மற்றும் கலாசாரத் தொடர்புகளை மேலும் அடுத்தடுத்த கட்டத்திற்கு எடுத்துச் செல்லும் என எதிர்பார்க்கப்படுகிறது.

======