1 பில்லியன் அமெரிக்க டாலரை வசூலித்த 'அவதார்: ஃபயர் அண்ட் ஆஷ்
Avatar 3 : Fire and Ash Box Office Collection Worldwide Total : ஜேம்ஸ் கேமரூனின் புகழ்பெற்ற சயின்ஸ் பிக்சன் ஃபேன்டஸி திரைப்படமான அவதாரின் மூன்றாவது பாகம் கடந்த டிசம்பர் 19 அன்று உலகமெங்கும் ரிலீஸ் ஆனது. 'அவதார்: ஃபயர் அண்ட் ஆஷ்' என்கிற பெயரில் திரைக்கு வந்த இப்படம், இரண்டு வாரங்களில், உலகளாவிய பாக்ஸ் ஆபிஸில் அதிகாரப்பூர்வமாக 1 பில்லியன் அமெரிக்க டாலர்களைக் கடந்துள்ளது.
கேமரூனின் 4வது படமும் இமாலய வெற்றி
20th செஞ்சுரி ஸ்டுடியோஸின் புள்ளிவிவரங்களின்படி, அவதார் வரிசையின் இந்த சமீபத்திய படம் அமெரிக்காவில் 306 மில்லியன் அமெரிக்க டாலர்களையும், சர்வதேச அளவில் 777.1 மில்லியன் அமெரிக்க டாலர்களையும் வசூலித்துள்ளது. இந்த மைல்கல், அவதார் (2009), அவதார்: தி வே ஆஃப் வாட்டர் (2022), மற்றும் டைட்டானிக் (1997) படங்களின் வரிசையில் இணைந்து, 1 பில்லியன் டாலர் வசூலைத் தாண்டிய கேமரூனின் நான்காவது படமாக இது அமைந்துள்ளது.
2025 உலகளாவிய அதிக வசூல் செய்த படங்கள் பட்டியலில் அவதார் படம்
அவதார் 3 படத்தின் வசூல் 'அவதார்: தி வே ஆஃப் வாட்டர்' 14 நாட்களில் 1 பில்லியன் டாலர் வசூலை எட்டியது, அதே நேரத்தில் அசல் 'அவதார்' 17 நாட்களில் இந்த சாதனையை நிகழ்த்தியது. 'லிலோ & ஸ்டிச்' (1.038 பில்லியன் டாலர்) மற்றும் 'ஜூடோபியா 2' (1.51 பில்லியன் டாலர்) ஆகியவற்றுடன், 2025-ல் 1 பில்லியன் டாலர்களைக் கடந்த மூன்று படங்களில் 'அவதார்: ஃபயர் அண்ட் ஆஷ்' ஒன்றாகும் என்பது குறிப்பிடத்தக்கது.
மனம் திறந்த ஜேம்ஸ் கேமரூன்
உலகளவில் திரையரங்கில் 'அவதார்: ஃபயர் அண்ட் ஆஷ்' ஓடிக்கொண்டிருக்கிறது. இந்த திரைப்படத்தின் 71 வயதான திரைப்படத் தயாரிப்பாளர் ஜேம்ஸ் கேமரூன், இந்தத் தொடரின் தொடர்ச்சி குறித்து சமீபத்தில் நிச்சயமற்ற தன்மையை வெளிப்படுத்தினார்."இந்தக் கதை இதற்கு மேல் தொடருமா என்று எனக்குத் தெரியவில்லை. தொடர வேண்டும் என்று நம்புகிறேன். ஆனால், ஒவ்வொரு முறையும் நாங்கள் வெளியே வரும்போது அதன் வணிக வெற்றியை நிரூபிக்கிறோம்," என்று அவர் மனம் திறந்துள்ளார். அவதார்: ஃபயர் அண்ட் ஆஷ்' வெற்றியை அவதார் ரசிகர்கள் உலகளவில் கொண்டாடி வருகின்றனர்.
