விஜயின் 'ஜன நாயகன்' : சென்சார் மற்றும் ரிலீஸ் தேதி குறித்த முக்கிய அப்டேட்!

'Jana Nayagan' - Important Update on Censor Certification and Release Date!

ஜனநாயகன் தணிக்கை சான்றிதழ் விவகாரம்

நடிகரும் தவெக தலைவருமான விஜய் நடிப்பில் உருவாகியுள்ள 'ஜன நாயகன்' திரைப்படம், கேவிஎன் தயாரிப்பு நிறுவனத்திற்கு தொடர் சவால்களை ஏற்படுத்தி வருகிறது.

'பொங்கல்' முதல் தொடரும் சிக்கல்

தணிக்கை வாரியத்தின் சில சிக்கல்களால் பொங்கல் வெளியீட்டிலிருந்து தள்ளிவைக்கப்பட்ட இந்தப் படம், தற்போது புதிய சர்ச்சையில் சிக்கியுள்ளது.

இணையத்தில் கசிந்த காட்சி - படக்குழு அதிர்ச்சி

படத்தின் மறுதணிக்கை பணிகள் நடைபெற்று வந்த நிலையில், மே மாதம் ஜனநாயகன் திரைப்படம் வெளியாகும் என எதிர்பார்க்கப்பட்டது.

ஆனால், திடீரென சமூக வலைதளங்களில் இப்படத்தின் முதல் 5 நிமிடக் காட்சிகள் கசிந்து வைரலானது.

இணையத்தில் கசிந்த முழு திரைப்படம்

இது ரசிகர்களிடையே பரபரப்பை ஏற்படுத்திய நிலையில், அடுத்த சில மணிநேரங்களிலேயே முழுத் திரைப்படமும் இணையத்தில் கசிந்து திரையுலகினரையும் ரசிகர்களையும் அதிர்ச்சியில் ஆழ்த்தியது.

சட்ட நடவடிக்கை - தயாரிப்பு நிறுவனம் எச்சரிக்கை

முழுப் படம் இணையத்தில் கசிந்தது குறித்துத் தயாரிப்பு நிறுவனம் கடும் கண்டனம் தெரிவித்துள்ளது.

இந்தப் படத்தைப் பகிர்பவர்கள் மீது சிவில் மற்றும் கிரிமினல் ரீதியிலான கடுமையான சட்ட நடவடிக்கைகள் எடுக்கப்படும் என எச்சரிக்கப்பட்டுள்ளது.

இதற்காகப் பலருக்கு ஏற்கனவே வழக்கறிஞர் நோட்டீஸ் அனுப்பப்பட்டுள்ளதாகவும் தகவல்கள் தெரிவிக்கின்றன.

சென்சார் சான்றிதழ் எப்போது?

ஜனநாயகன் திரைப்படத்திற்கான சென்சார் சான்றிதழ் பெறுவதில் நிலவி வந்த இழுபறி தற்போது முடிவுக்கு வந்துள்ளது.

ஏப்ரல் 24-ல் சென்சார் சான்று?

தணிக்கை வாரியம் வரும் ஏப்ரல் 24-ஆம் தேதி கேவிஎன் தயாரிப்பு நிறுவனத்திடம் அதிகாரப்பூர்வச் சான்றிதழை ஒப்படைக்க உள்ளதாகத் தெரிகிறது.

ஏப்ரல் வெளியீடு?

சென்சார் சான்றிதழ் கிடைத்தவுடன் தாமதிக்காமல், வரும் ஏப்ரல் இறுதிக்குள்ளேயே 'ஜன நாயகன்' திரைப்படத்தைத் திரைக்குக் கொண்டு வர படக்குழு திட்டமிட்டுள்ளதாக தகவல் வெளியாகியுள்ளது.

இணையத்தில் கசிந்தாலும் ரசிகர்களின் ஆதரவைப் பெற்ற ஜனநாயகன்

இணையத்தில் படம் கசிந்தாலும், திரையரங்குகளில் படம் வெளியாகும் போது ரசிகர்களின் ஆதரவு அமோகமாக இருக்கும் என எதிர்பார்க்கப்படுகிறது.

=====