சர்வதேச விருது விழாவில் மக்கள் செல்வன்: எம்மி விருது வழங்கும் முதல் இந்தியராகிறார் நடிகர் விஜய் சேதுபதி!

Vijay Sethupathi International Emmy Awards Presenter Achievement

ஹாலிவுட்டில் புதிய கௌரவம்

சர்வதேசத் திரையுலகில் இந்தியக் கலைஞர்களுக்கான அங்கீகாரமும் வரவேற்பும் நாளுக்கு நாள் அதிகரித்து வருகிறது. இத்தகைய சூழலில், தமிழ்த் திரையுலகின் முன்னணி நடிகரான விஜய் சேதுபதி சர்வதேச அளவில் ஒரு புதிய சாதனையை படைக்க உள்ளார்.

எம்மி விருது விழாவில் பங்கேற்பு

நியூயார்க் நகரில் வரும் 23-ஆம் தேதி பிரம்மாண்டமாக நடைபெறவுள்ள 54-ஆவது சர்வதேச எம்மி விருது (International Emmy Awards) வழங்கும் விழாவில், விருது வழங்குபவர்களில் (Presenter) ஒருவராக விஜய் சேதுபதி பங்கேற்க உள்ளதாகத் தகவல்கள் வெளியாகியுள்ளன.

இதன்மூலம் சர்வதேச எம்மி விருது மேடையில் விருது வழங்கும் முதல் இந்தியர் என்ற பெருமையை நடிகர் விஜய் சேதுபதி பெறுகிறார். திரைப்படத் துறையின் மிகயுயர்ந்த 'ஆஸ்கார்' விருதுக்கு இணையாகத் தொலைக்காட்சி மற்றும் டிஜிட்டல் தளங்களின் துறையில் இந்த எம்மி விருதுகள் மிகக் கௌரவமாகக் கருதப்படுகின்றன.

வீர்தாஸ் படைத்த முந்தைய சாதனை

இதற்கு முன்பு 2024-ஆம் ஆண்டு நடைபெற்ற எம்மி விருது விழாவில் நடிகரும் நகைச்சுவைக் கலைஞருமான வீர்தாஸ் தொகுப்பாளராகப் பங்கேற்று, எம்மி விருது விழாவைத் தொகுத்து வழங்கிய முதல் இந்தியர் என்ற சாதனையைப் படைத்திருந்தார்.

ஹாலிவுட் வரை எட்டிய கவனம்

இந்தித் திரையுலகில் 'ஃபார்சி' (Farzi) வெப் தொடர் மற்றும் 'ஜவான்' திரைப்படம் மூலம் நாடு தழுவிய அளவில் மிகப்பெரிய கவனம் பெற்ற விஜய் சேதுபதி, தனது 'மகாராஜா' திரைப்படத்தின் ஆங்கில ரீமேக் மற்றும் தற்போதைய எம்மி விருது விழா பங்கேற்பு மூலம் ஹாலிவுட்டிலும் தடம் பதிக்க உள்ளார்.

சர்வதேச மேடையில் இந்தியாவின் பெருமையை உயர்த்தியுள்ள நடிகர் விஜய் சேதுபதிக்குத் திரைத்துறையினரும், அவரது ரசிகர்களும் சமூக வலைத்தளங்களில் வாழ்த்துகளைத் தெரிவித்து வருகின்றனர்.

==========

Vijay Sethupathi International Emmy Awards Presenter Achievement, Vijay Sethupathi 54th International Emmy Presenter First Indian, Vijay Sethupathi Farzi Maharaja English Remake Hollywood, Vir Das Emmy Host 2024 Vijay Sethupathi, விஜய் சேதுபதி எம்மி விருது விழா 2026

======