Official announcement: Isaignani Ilaiyaraaja's film 'Gondhal' has been selected for the Oscars!
2027 ஆஸ்கர் விருதின் சிறந்த சர்வதேசத் திரைப்படப் பிரிவிற்கு இசைஞானி இளையராஜா இசையமைப்பில் உருவான 'கோந்தல்' மராத்தி படம் இந்தியாவின் அதிகாரப்பூர்வ தேர்வாக அறிவிக்கப்பட்டுள்ளது.
மராத்தி திரைப்படமான கோந்தல்
சந்தோஷ் தவக்கர் இயக்கத்தில் உருவான 'கோந்தல்' (Gondhal) மராத்தி திரைப்படம், 2027-ஆம் ஆண்டிற்கான 99-வது ஆஸ்கர் விருதின் 'சிறந்த சர்வதேசத் திரைப்படம்' பிரிவில் போட்டியிட இந்தியாவின் அதிகாரப்பூர்வ படமாகத் தேர்ந்தெடுக்கப்பட்டுள்ளது.
33 படங்களில் இருந்து தேர்ந்தெடுக்கப்பட்ட திரைப்படம்
நாடு முழுவதிலுமிருந்து பரிசீலிக்கப்பட்ட 33 திரைப்படங்களில் இருந்து பி.சேஷாத்ரி தலைமையிலான FFI நடுவர் குழு இப்படத்தைத் தேர்வு செய்துள்ளது.
இசைஞானி இளையராஜாவின் இசை
கோந்தல் எனும் இத்திரைப்படத்திற்கு இசைஞானி இளையராஜா இசையமைத்துள்ளார். மகாராஷ்டிராவின் கிராமப்புறங்களில் நடத்தப்படும் 'கோந்தல்' என்ற பாரம்பரியச் சடங்கு மற்றும் நாட்டுப்புறக் கலை வடிவத்தை பின்னணியாகக் கொண்டு உருவாகியுள்ள இப்படத்தில் அவரது இசை பெரும் பலமாக அமைந்திருந்தது குறிப்பிடத்தக்கது.
4-ஆவது மராத்தி திரைப்படம்
2005 ஆம் ஆண்டு வெளியான 'ஸ்வாஸ்' , 2009 ஆம் ஆண்டில் வெளியான 'ஹரிஷ்சந்திராச்சி ஃபேக்டரி' (2009) மற்றும் 2015 ஆம் ஆண்டில் வெளியான 'கோர்ட்' ஆகிய படங்களுக்குப் பிறகு ஆஸ்கருக்குப் பரிந்துரைக்கப்படும் 4-ஆவது மராத்தி படம் 'கோந்தல்' என்பது குறிப்பிடத்தக்கது.
வெள்ளி மயில் விருது பெற்ற இயக்குநர்
முன்னதாக 56-ஆவது இந்திய சர்வதேசத் திரைப்பட விழாவில் (IFFI) இப்படத்தின் இயக்கத்திற்காக சந்தோஷ் தவக்கர் 'வெள்ளி மயில்' (Silver Peacock) விருது பெற்றுள்ளார் என்பது குறிப்பிடத்தக்கது.
இதையும் படிங்க : Big Update : ரஷ்ய எண்ணெய் வாங்கும் நாடுகளுக்கு 100% வரி விதிக்கும் அதிகாரம் : சட்டத்தில் கையெழுத்திட்டார் டிரம்ப்..!
======
