மீண்டும் மோதப்போகும் விஜய்-விஜய் சேதுபதி : ஒரே நாளில் வெளியாகும் திரைப்படங்கள்!

Vijay vs Vijay Sethupathi Box Office Clash: Thirupaachi Re-Release & Baththa Release

ஒரே நாளில் வெளியாகும் விஜய் மற்றும் விஜய் சேதுபதி படங்கள்:

கடந்த 2005-ஆம் ஆண்டு இயக்குநர் பேரரசு இயக்கத்தில் விஜய் - த்ரிஷா நடிப்பில் வெளியான 'திருப்பாச்சி' திரைப்படம் மிகப்பெரிய வெற்றி பெற்று ரூ. 32 கோடி வசூல் சாதனை படைத்திருந்தது.

விஜய்யின் 'திருப்பாச்சி' ரீ-ரிலீஸ்

திருப்பாச்சியிலிருந்து சென்னைக்கு செல்லும் தன் தங்கைக்கும் அவரது கணவருக்கும் ரவுடிகளால் ஏற்படும் பிரச்சனைகளைத் தீர்க்கும் அண்ணனாக விஜய் நடித்திருந்தார்.

திருப்பாச்சி 21 ஆண்டுகள் நிறைவு

ஏற்கனவே விஜய் - த்ரிஷா கூட்டணியில் உருவான 'கில்லி' படம் மறுவெளியீட்டில் சாதனை படைத்த நிலையில், படம் வெளியாகி 21 ஆண்டுகள் நிறைவடைவதையொட்டி அக்டோபர் 1-ஆம் தேதி 'திருப்பாச்சி' மீண்டும் திரையரங்குகளில் ரீ-ரிலீஸ் செய்யப்படவுள்ளது.

விஜய் சேதுபதியின் 'பத்தா' திரைப்படம்

'நடுவுல கொஞ்சம் பக்கத்த காணோம்' படத்திற்குப் பிறகு இயக்குநர் பாலாஜி தரணீதரன் - நடிகர் விஜய் சேதுபதி கூட்டணியில் உருவாகியுள்ள புதிய திரைப்படம் தான் "பத்தா".

1960-களின் பின்னணியில் உருவாகியுள்ள இத்திரைப்படத்தின் பாடல்கள் சமீபத்தில் வெளியாகி நல்ல வரவேற்பைப் பெற்றுள்ள நிலையில், இத்திரைப்படமும் 'திருப்பாச்சி' ரீ-ரிலீஸ் செய்யப்படும் அதே அக்டோபர் 1-ஆம் தேதி திரையரங்குகளில் வெளியாகிறது.

மாஸ்டர் கூட்டணி மோதல்

இயக்குநர் லோகேஷ் கனகராஜ் இயக்கத்தில் வெளியான 'மாஸ்டர்' திரைப்படத்தில் விஜய்யும், விஜய் சேதுபதியும் கதாநாயகனாகவும் வில்லனாகவும் நடித்திருந்தனர்.

தற்போது திரையரங்குகளில் இருவரது படங்களும் ஒரே நாளில் வெளியாக உள்ளதால், இது மாஸ்டர் திரைப்படத்தின் மோதலை நினைவூட்டுவதாக ரசிகர்கள் தங்களது கருத்துகளை சமூக வலைதளங்களில் தெரிவித்து வருகின்றனர்.

போட்டியில் 'சிக்மா' திரைப்படம்

இந்த இரண்டு திரைப்படங்களுடன் போட்டியாக அக்டோபர் 2-ஆம் தேதி 'சிக்மா' திரைப்படமும் திரையரங்குகளில் வெளியாகிறது.

இத்திரைப்படத்தை முதல்வர் விஜய்யின் மகனும் இயக்குநருமான ஜேசன் சஞ்சய் இயக்கியுள்ளார். சிக்மா திரைப்படத்தில் சந்தீப் கிஷன், ஃபரியா அப்துல்லா உள்ளிட்ட பலர் நடித்துள்ளனர்.

=======