இந்தியா முழுவதும் மே மாதத்தில் கனமழைக்கு வாய்ப்பு : வானிலை ஆய்வு மையம் உற்சாக தகவல்!

Chance of Heavy Rainfall Across India in May: Meteorological Department Shares Encouraging News!

வானிலை ஆய்வு மையம் அறிக்கை

இந்தியாவில் கோடை வெயிலின் தாக்கம் அதிகரித்து வரும் நிலையில், பொதுமக்களுக்கு நிம்மதி அளிக்கும் வகையில் இந்திய வானிலை ஆய்வு மையம் ஒரு முக்கிய அறிக்கையை வெளியிட்டுள்ளது.

மே மாதத்தில் நாடு முழுவதும் வழக்கத்தை விட அதிக மழைப்பொழிவு இருக்கும் என்று கணிக்கப்பட்டுள்ளது.

110 சதவீதத்திற்கும் மேலான மழைப்பொழிவு

இந்திய வானிலை ஆய்வு மையத்தின் தரவுகளின்படி, மே மாதத்திற்கான சராசரி மழைப்பொழிவு 64.1 மி.மீ. ஆகும். ஆனால், இந்த ஆண்டு ஒட்டுமொத்த மழையளவு சராசரியை விட 110 சதவீதத்திற்கும் அதிகமாக இருக்கும் எனத் தெரிவிக்கப்பட்டுள்ளது.

வானிலை ஆய்வு மையம் எச்சரிக்கை

இது கோடையின் ஆரம்ப கால வெப்ப அலைகளிலிருந்து மக்களுக்குப் பெரும் நிம்மதியை அளித்தாலும் மழையின் பரவல் நாடு முழுவதும் சீராக இருக்காது.

மெலும் வடகிழக்கு மற்றும் இந்தியாவின் சில பகுதிகளில் இயல்பை விடக் குறைவான மழையே பெய்ய வாய்ப்புள்ளதாகவும் வானிலை ஆய்வு மையம் எச்சரித்துள்ளது.

முன்கூட்டியே தொடங்கும் தென்மேற்கு பருவமழை

வழக்கமாக ஜூன் 1-ஆம் தேதி கேரளாவில் தொடங்கும் தென்மேற்கு பருவமழை, இந்த ஆண்டு மே மாதத்தின் இரண்டாவது அல்லது மூன்றாவது வாரத்திலேயே தொடங்க வாய்ப்புள்ளது.

காற்றழுத்தத் தாழ்வுப் பகுதி

மே மாதத்தின் இரண்டாவது வாரத்தில் அரபிக்கடலில் குறைந்த காற்றழுத்தத் தாழ்வுப் பகுதி உருவாகக்கூடும் என்பதால், பருவமழை முன்கூட்டியே தொடங்குவதற்கான சாதகமான சூழல் நிலவுகிறது.

அக்னி நட்சத்திரம் தொடக்கம்

தமிழகத்தில் மே 4-ஆம் தேதி 'அக்னி நட்சத்திரம்' தொடங்கவுள்ள நிலையில், இந்தப் பருவமழை வெப்பத்தைத் தணிக்கும் ஒரு வரப்பிரசாதமாகப் பார்க்கப்படுகிறது.

மண்டல வாரியான மழை எச்சரிக்கை

வானிலை ஆய்வு மையத்தின் கணிப்புப்படி பல்வேறு மாநிலங்களுக்கு எச்சரிக்கை விடுத்துள்ளது.

அதன்படி மேற்கு வங்கம், சிக்கிம் மற்றும் வடகிழக்கு மாநிலங்களில் மே 5-ஆம் தேதி வரை இடி, மின்னலுடன் கூடிய கனமழை பெய்யக்கூடும். அப்போது மணிக்கு 40 முதல் 60 கி.மீ வேகத்தில் பலத்த காற்று வீசும் என்று அறிவிக்கப்பட்டுள்ளது.

வடமேற்கு மற்றும் மத்திய இந்தியா

மே 3 முதல் மே 6 வரை சமவெளிப் பகுதிகள் மற்றும் கிழக்குக் கடற்கரை மாநிலங்களில் இடி மற்றும் புயல் செயல்பாடுகள் இருக்கும்.

தமிழகத்தில் மழைப்பொழிவு

மே 7-ஆம் தேதிக்குப் பிறகு தமிழகத்தின் தென் மாவட்டங்கள் மற்றும் மேற்குத் தொடர்ச்சி மலையை ஒட்டிய பகுதிகளில் நல்ல மழைப்பொழிவை எதிர்பார்க்கலாம்.

கோடை வெப்பத்தைத் தணிக்கும்

இந்தக் கூடுதல் மழைப்பொழிவு நிலத்தடி நீர்மட்டத்தை உயர்த்தவும், கோடை வெப்பத்தைத் தணிக்கவும் உதவும்.

நிபுணர்களின் கருத்து

அதேசமயம், குறுகிய காலத்தில் பெய்யும் தீவிர மழை நகர்ப்புற வெள்ளத்திற்கும், விவசாயப் பாதிப்புகளுக்கும் வழிவகுக்கலாம் என்பதால் உரிய முன்னெச்சரிக்கை நடவடிக்கைகளை மேற்கொள்ள வேண்டும் என நிபுணர்கள் எச்சரிக்கின்றனர்.

=====