நீட் தேர்வர்களே கவலை வேண்டாம்! மன அழுத்தத்தைப் போக்க 'ஹெல்ப்லைன்' எண் அறிமுகம் : என்டிஏ அதிரடி!

Mental Health Helpline Launched for NEET Aspirants! 24-Hour Free Service — NTA Announces.

நீட் தேர்வு எழுதவிருக்கும் மாணவர்களுக்காக...!

நாடு முழுவதும் நீட் தேர்வுக்கான ஹால் டிக்கெட்டுகள் வெளியாகியுள்ள நிலையில், மாணவர்கள் மற்றும் பெற்றோர்களிடையே நிலவும் பதற்றத்தையும், மன அழுத்தத்தையும் போக்க தேசிய தேர்வுகள் முகமை புதிய உதவி எண்களை அறிமுகப்படுத்தியுள்ளது.

"உயிரை விட எந்தத் தேர்வும் முக்கியமில்லை"

இது குறித்து என்டிஏ தனது எக்ஸ் தளத்தில் உருக்கமான பதிவு ஒன்றை வெளியிட்டுள்ளது.

அதில், "நீட் தேர்வர்களே, உங்கள் மனநலமும் நல்வாழ்வும் தான் எங்களின் முதன்மையான முன்னுரிமை. உங்கள் உயிரை விட எந்தத் தேர்வும் முக்கியமில்லை" எனக் குறிப்பிட்டுள்ளது.

24 மணிநேர இலவச சேவை

தேர்வு பயம், பதற்றம் அல்லது மிகுந்த மனச்சுமை கொண்ட மாணவர்கள் கீழ்க்கண்ட 'டெலி-மனஸ்' எண்களைத் தொடர்பு கொண்டு ஆலோசனைகளைப் பெறலாம்.

உதவி எண்கள்: 14416 அல்லது 1-800-891-4416

சிறப்பம்சம்

இது 24 மணி நேரமும் இயங்கும் முற்றிலும் இலவசச் சேவையாகும். மேலும் இதில் ஆலோசனை பெறும் தேர்வர்களின் விவரங்கள் ரகசியமாகப் பாதுகாக்கப்படும் என்றும் தெரிவிக்கப்பட்டுள்ளது.

பெற்றோர்களுக்கு வேண்டுகோள்

நீட் தேர்விற்கான ஹால் டிக்கெட் வெளியான நிலையில் மாணவர்கள் கடும் மன உளைச்சலுக்கு ஆளாக வாய்ப்புள்ளதால், அவர்களுக்குத் தகுந்த ஆதரவை வழங்குமாறு கல்வி வல்லுநர்களும் கேட்டுக் கொண்டுள்ளனர்.

=====