திரவுபதி முர்மு உரை
President Droupadi Murmu About Operation Sindoor : டில்லியில் நடந்த சாணக்யா பாதுகாப்பு கலந்துரையாடல் நிகழ்ச்சியில் கலந்து கொண்டு பேசிய திரவுபதி முர்மு, இந்தியாவின் இறையாண்மையை பாதுகாப்பதில் நமது முப்படைகள் தொழில்முறை மற்றும் தேசபக்தியை வெளிப்படுத்தியுள்ளன. கிளர்ச்சி உள்ளிட்ட பாதுகாப்பு சவாலின்போதும், மனிதாபிமான பணிகளிலும் நமது படைகள் உறுதியை வெளிப்படுத்தியுள்ளன.
இந்தியாவின் உறுதியை உலக நாடுகள் கவனத்தில் கொண்டுள்ளன
பயங்கரவாதத்துக்கு எதிரான நமது கொள்கையை உறுதி செய்வதாக ஆப்பரேஷன் சிந்தூரின் வெற்றி அமைந்துள்ளது. நமது ராணுவத் திறனை மட்டுமல்லாமல், அமைதியைப் பின்தொடர்வதில் உறுதியாகவும், பொறுப்புடனும் செயல்படுவதற்கான இந்தியாவின் தார்மீக உறுதியை உலக நாடுகள் கவனத்தில் கொண்டுள்ளன.
மாற்றிவரும் கூட்டணிகளால் மாற்றியமைக்கப்படுகிறது
நாட்டின் வளர்ச்சியின் தூணாக இந்திய முப்படைகள் உள்ளன.நமது எல்லைகளை வலுப்படுத்துவதோடு மட்டுமல்லாமல், உள்கட்டமைப்பு, சுற்றுலா மற்றும் கல்வி மூலம் எல்லைப் பகுதி மேம்பாட்டிலும் அவை உதவியுள்ளன. இன்றைய புவிசார் அரசியல் நிலப்பரப்பு வேகமாக மாறி வருகிறது. சர்வதேச அமைப்பு, அதிகார மையங்கள், தொழில்நுட்ப சீர்குலைவுகள் மற்றும் மாறிவரும் கூட்டணிகளால் மாற்றியமைக்கப்படுகிறது.
அமைதியை விரும்பும் இந்தியாவை முன்னிறுத்துகின்றன
போட்டியின் புதிய களங்கள் - சைபர், விண்வெளி, தகவல் மற்றும் அறிவாற்றல் போர் ஆகியவை அமைதிக்கும் மோதலுக்கும் இடையிலான கோடுகளை மங்கலாக்குகின்றன. வசுதைவ குடும்பகம் என்ற நமது நாகரிக நெறிமுறைகளால் வழிநடத்தப்பட்டு, உலகளாவிய பொறுப்புடன் இணைந்து வாழ முடியும் என்பதைக் காட்டியுள்ளோம். நமது ராஜதந்திரம், பொருளாதாரம் மற்றும் முப்படைகள் இணைந்து அமைதியை விரும்பும் இந்தியாவை முன்னிறுத்துகின்றன. அதேநேரத்தில் அதன் எல்லைகளையும் அதன் மக்களையும் வலிமை மற்றும் உறுதியுடன் பாதுகாக்கத் தயாராக உள்ளன என்று அவர் பேசியுள்ளார்.
