இந்தியாவின் தேசிய பாதுகாப்பின் முக்கிய முகம் :
அஜித் குமார் தோவல் இந்தியாவின் தற்போதைய தேசிய பாதுகாப்பு ஆலோசகர் (National Security Adviser - NSA) ஆவார்.
பிரதமரின் தேசிய பாதுகாப்பு தொடர்பான முக்கிய ஆலோசகராக செயல்படும் இவர், உள்நாட்டு பாதுகாப்பு, வெளிநாட்டு பாதுகாப்பு மற்றும் மூலோபாய விவகாரங்களில் முக்கிய பங்காற்றி வருகிறார்.
பிரதமர் அலுவலகத்தின் தற்போதைய அதிகாரிகள் பட்டியலிலும் அவர் தேசிய பாதுகாப்பு ஆலோசகராக குறிப்பிடப்பட்டுள்ளார்.
1968-ம் ஆண்டு ஐபிஎஸ் அதிகாரியாக பணியில் சேர்ந்தார் :
அஜித் தோவல் 1968-ம் ஆண்டு கேரள கேடர் ஐபிஎஸ் அதிகாரியாக தனது பணியைத் தொடங்கினார்.
பின்னர் அவர் இந்திய உளவு அமைப்பான Intelligence Bureau (IB)-வில் முக்கிய பொறுப்புகளில் பணியாற்றினார்.
அவரது பணிக்காலம் வடகிழக்கு மாநிலங்கள், ஜம்மு காஷ்மீர், பஞ்சாப் உள்ளிட்ட பல்வேறு பாதுகாப்பு சவால்கள் நிறைந்த பகுதிகளுடன் தொடர்புடையதாக இருந்தது.
Intelligence Bureau-வின் இயக்குநராக உயர்வு :
நீண்ட கால உளவுத்துறை அனுபவத்திற்குப் பிறகு, அஜித் தோவல் Intelligence Bureau-வின் இயக்குநராக பணியாற்றினார்.
அவர் ஜனவரி 2005-ல் IB இயக்குநர் பதவியிலிருந்து ஓய்வு பெற்றார் பல்வேறு பத்திரிக்கைகள் என்று தெரிவித்துள்ளது.
பாகிஸ்தான் மற்றும் முக்கிய பாதுகாப்புப் பணிகள் :
தோவலின் பணிப்பயணத்தில் வெளிநாட்டு மற்றும் பாதுகாப்பு தொடர்பான முக்கிய பொறுப்புகளும் இடம்பெற்றுள்ளன.
குறிப்பாக அவர் பாகிஸ்தானில் பல ஆண்டுகள் பணியாற்றியுள்ளார்.
1999-ம் ஆண்டு IC-814 விமான கடத்தல் சம்பவத்தில், கந்தஹார் பேச்சுவார்த்தைகளில் இந்தியாவின் முக்கிய பேச்சுவார்த்தை நடத்துநர்களில் ஒருவராக இருந்ததாக பதிவுகள் குறிப்பிடுகின்றன.
IB-யிலிருந்து தேசிய பாதுகாப்பு ஆலோசகர் வரை :
2005-ல் ஓய்வு பெற்ற பின்னர், தோவல் டெல்லியில் Vivekananda Foundation என்ற நிறுவனத்தை அமைத்து தேசிய பாதுகாப்பு, சர்வதேச உறவுகள் மற்றும் அண்டை நாடுகள் தொடர்பான விவகாரங்களில் தொடர்ந்து பணியாற்றினார்.
பின்னர், 2014 மே 30-ஆம் தேதி அவர் தேசிய பாதுகாப்பு ஆலோசகராக நியமிக்கப்பட்டார்.
நீண்டகால பாதுகாப்பு அனுபவம் :
அஜித் தோவலின் சிறப்பம்சமாக பார்க்கப்படுவது, பல தசாப்தங்களாக நீடித்த உளவுத்துறை மற்றும் பாதுகாப்பு அனுபவமாகும்.
2026-ம் ஆண்டு நடைபெற்ற லோக்மான்ய திலக் தேசிய விருது வழங்கும் நிகழ்ச்சியில், உள்துறை அமைச்சர் அமித் ஷா, 1972 முதல் IB-யில் பணியாற்றி, IB இயக்குநராகும் வரை நாட்டின் பல முக்கிய பாதுகாப்புச் சவால்களில் அவர் பங்காற்றியதாக குறிப்பிட்டார்.
பிரதமர் மோடிக்கு மிகவும் நம்பகமானவர் :
அஜித் தோவல், பிரதமர் நரேந்திர மோடியின் நெருங்கிய மற்றும் நம்பகமான பாதுகாப்பு ஆலோசகர்களில் ஒருவராக பார்க்கப்படுகிறார்.
தேசிய பாதுகாப்பு, பயங்கரவாத எதிர்ப்பு நடவடிக்கைகள், உளவுத்துறை மற்றும் சர்வதேச பாதுகாப்பு விவகாரங்களில் பிரதமருடன் இணைந்து முக்கிய முடிவுகளை எடுக்கும் பொறுப்பில் அவர் தொடர்ந்து செயல்பட்டு வருகிறார்.
================
