Is your cooking gas cylinder running out too quickly? Wondering how to save it? Here are some simple tips to save money on your budget!
தற்போதைய பொருளாதாரச் சூழலில், சமையல் எரிவாயுவின் விலை உயர்வு மற்றும் தட்டுப்பாடு ஆகியவை இல்லத்தரசிகளுக்கு பெரும் சவாலாக உருவெடுத்துள்ளன.
இத்தகைய சூழலில், சமையலறையில் நாம் செய்யும் ஒருசில எளிய வாழ்வியல் மாற்றங்கள் மூலம் கேஸ் சிலிண்டரின் ஆயுளை கணிசமாக நீட்டிக்க முடியும்.
முறையான தயாரிப்பு மற்றும் சமையல் முறைகள்
சமையலைத் தொடங்குவதற்கு முன்பே தேவையான காய்கறிகள் மற்றும் மசாலாப் பொருட்களை நறுக்கி அருகில் வைத்துக் கொள்வது நல்லது.
அடுப்பைப் பற்றவைத்த பிறகு வெங்காயம் நறுக்குவது போன்ற செயல்கள் எரிபொருளை வீணடிக்கும்.
மேலும், அரிசி மற்றும் பருப்பு வகைகளைச் சமைப்பதற்கு அரை மணி நேரத்திற்கு முன்பே ஊறவைப்பதன் மூலம் அவை வேகும் நேரம் குறையும்.
ஃப்ரிட்ஜில் இருந்து எடுக்கப்படும் பால் அல்லது மாவு போன்ற குளிர்ந்த பொருட்களைக் குறைந்தபட்சம் இரண்டு மணி நேரத்திற்கு முன்பே வெளியே எடுத்து சாதாரண வெப்பநிலைக்குக் கொண்டு வந்த பிறகே சூடாக்க வேண்டும்.
சரியான பாத்திரங்கள் மற்றும் அடுப்புப் பராமரிப்பு
முடிந்தவரை பிரஷர் குக்கரைப் பயன்படுத்துவது எரிவாயுவை மிச்சமாக்கும். ஈரமான பாத்திரங்களை அப்படியே அடுப்பில் வைக்காமல், நன்றாகத் துடைத்த பின் பயன்படுத்த வேண்டும்.
சமையலின் அளவுக்கேற்ற பாத்திரங்களைத் தேர்வு செய்வதும், பாத்திரத்தின் அடிப்பகுதியைத் தாண்டி தீப்பிழம்பு வெளியே வராதவாறு மிதமான தீயில் சமைப்பதும் அவசியமாகும்.
அடுப்பின் பர்னர் துளைகளை அடிக்கடி சுத்தம் செய்து, தீ ஜுவாலை நீல நிறத்தில் எரிவதை உறுதி செய்ய வேண்டும்.
சில எளிமையான டிப்ஸ்
அப்பளம் பொரிக்கும் போது இறுதிப் பகுதியில் அடுப்பை அணைத்துவிட்டு, அந்த எண்ணெய்யின் சூட்டிலேயே மீதமுள்ளவற்றை பொரிக்கலாம்.
நூடுல்ஸ், பாஸ்தா போன்றவற்றை கொதிக்கும் நீரில் போட்ட உடனேயே மூடி வைத்துவிட்டால், அந்த வெப்பத்திலேயே அவை வெந்துவிடும்.
இண்டக்ஷன் அடுப்பு அல்லது ஃப்ளாஸ்க் போன்ற மாற்று வழிகளைப் பயன்படுத்துவதும் கேஸ் பயன்பாட்டைக் குறைக்க உதவும்.
=======
