இளம் வயதில் நரைமுடி : காரணங்கள், தீர்வுகள் மற்றும் எளிய வீட்டு வைத்தியங்கள்!

இன்றைய காலகட்டத்தில் 20 முதல் 30 வயதிற்குட்பட்ட இளைஞர்களின் மிகப்பெரிய கவலையாக இருப்பது ‘இளம் நரை’.

1.நரைமுடி ஏன் வருகிறது?

நமது முடியின் வேர்களில் மெலனோசைட் என்ற சிறப்பு செல்கள் உள்ளன. இவைதான் முடிக்கு கருப்பு நிறத்தை தரும் மெலனின் என்ற நிறமியை உற்பத்தி செய்கின்றன.

வயது கூடும்போது இந்த செல்கள் மெலனின் தயாரிப்பதை நிறுத்துவது இயல்பு. ஆனால், இளம் வயதிலேயே இது நடப்பதற்கு பின்வரும் முக்கிய காரணங்கள் உள்ளன.

மரபணு

இளம் நரைக்கு 80% மிக முக்கிய காரணம் பரம்பரைத் தன்மை ஆகும். உங்கள் பெற்றோர் அல்லது தாத்தா-பாட்டிக்கு இளம் வயதில் நரை வந்திருந்தால் உங்களுக்கும் வர வாய்ப்பு அதிகம்.

சத்துக்கள் குறைபாடு

உடலில் வைட்டமின் B12, வைட்டமின் D, இரும்புச்சத்து, செம்பு, மற்றும் துத்தநாகம் ஆகிய சத்துக்கள் குறையும் போது மெலனின் உற்பத்தி பாதிக்கப்படுகிறது.

அதிதீவிர மனஅழுத்தம்

அதிகப்படியான கவலை மற்றும் தூக்கமின்மை உடலில் ‘ஆக்ஸிடேட்டிவ் ஸ்டிரெஸ்’ஐ உருவாக்கி முடி வேர்களை பலவீனப்படுத்துகிறது.

மோசமான பழக்க வழக்கங்கள்

புகைப்பிடித்தல் மற்றும் அடிக்கடி கெமிக்கல் கலந்த ஹேர் டை, சல்பேட் கலந்த ஷாம்பூகளைப் பயன்படுத்துவது முடி வேர்களை நேரடியாக பாதிக்கும்.

2. நரைமுடியை மீண்டும் கருப்பாக்க முடியுமா?

கொலம்பியா பல்கலைக்கழகத்தின் சமீபத்திய ஆய்வுகளின்படி, பரம்பரை அல்லது வயது முதிர்வால் வரும் நரையை மீண்டும் இயற்கையாக கருப்பாக மாற்ற முடியாது.

ஆனால், மனஅழுத்தம் அல்லது சத்துக்குறைபாட்டினால் ஏற்படும் ஆரம்பக்கட்ட நரையை மீண்டும் தற்காலிகமாக கருப்பு நிறமாக மாற்ற வாய்ப்புள்ளது.

உடலில் சத்துக்களை சரிசெய்து, மனஅழுத்தத்தைக் குறைக்கும் போது புதிய முடிகள் மீண்டும் கருப்பாக வளரத் தொடங்கும்.

3. இளம் நரையைத் தடுப்பது எப்படி?

சீரான உணவு

தினசரி உணவில் கீரைகள், முட்டை, மீன், பால், நட்ஸ் (பாதாம், முந்திரி), மற்றும் பருப்பு வகைகளை சேர்த்துக் கொள்ள வேண்டும்.

ஹார்மோன் பரிசோதனை

திடீரென நரை அதிகரித்தால் மருத்துவர் ஆலோசனைப்படி Vitamin B12, Iron மற்றும் Thyroid பரிசோதனைகளைச் செய்து அதற்கான மாத்திரைகளை எடுக்கலாம்.

கெமிக்கல்களை் தவிர்த்தல்

சல்பேட் இல்லாத மென்மையான ஹெர்பல் அல்லது இயற்கை ஷாம்பூகளைப் பயன்படுத்த வேண்டும்.

4. இளம் நரையை விரட்டும் 4 எளிய வீட்டு வைத்தியங்கள்

கறிவேப்பிலை & தேங்காய் எண்ணெய் மசாஜ் (வாரம் 2 முறை):

தேங்காய் எண்ணெயில் ஒரு கைப்பிடி கறிவேப்பிலையைப் போட்டு அது கருப்பாகும் வரை காய்ச்ச வேண்டும்.

இந்த எண்ணெயைக் குளிரவைத்து வாரத்திற்கு இரண்டு முறை தலையில் மசாஜ் செய்து வந்தால், கறிவேப்பிலையில் உள்ள 'வைட்டமின் B' முடி வேர்களுக்கு மெலனின் ஊட்டச்சத்தை அளிக்கும்.

நெல்லிக்காய் ஹேர் பேக் (வாரம் 1 முறை)

நெல்லிக்காயில் அதிகப்படியான வைட்டமின் C மற்றும் ஆன்டி-ஆக்ஸிடன்ட்டுகள் உள்ளன. நெல்லிக்காய் பொடியை தண்ணீரில் அல்லது தயிரில் கலந்து தலையில் ஹேர் பேக் போல தடவி, 30 நிமிடங்கள் கழித்து அலச வேண்டும். இது மெலனின் செல்களை மீண்டும் தூண்ட உதவும்.

பெரிய வெங்காயச் சாறு (வாரம் 1 முறை)

வெங்காயத்தில் உள்ள கட்டலேஸ் என்ற என்சைம் முடி வேர்களில் உள்ள செல் சேதத்தைத் தடுக்கிறது. வெங்காயச் சாற்றை மட்டும் எடுத்து உச்சந்தலையில் தடவி 20 நிமிடங்கள் கழித்து மைல்டான ஷாம்பூ கொண்டு கழுவ வேண்டும்.

கருப்பு எள் உட்கொள்ளுதல் (தினமும் ஒரு ஸ்பூன்)

வெளிப்புறப் பராமரிப்பு மட்டுமின்றி, தினமும் ஒரு தேக்கரண்டி கருப்பு எள் சாப்பிட்டு வரலாம். இதில் உள்ள செம்பு மற்றும் துத்தநாகம் முடிக்குத் தேவையான இயற்கையான நிறமியைத் தக்கவைக்க உதவும்.

"ஒரு நரைமுடியைப் பிடுங்கினால் பக்கத்தில் இன்னும் பல முடிகள் நரையாகும்" என்பது அறிவியல் பூர்வமற்ற ஒரு தவறான நம்பிக்கை.

ஆனால், நரைமுடியை அடிக்கடி பிடுங்குவதால் அந்த இடத்திலுள்ள முடி வேர் நிரந்தரமாகச் சேதமடைந்து, அந்த இடத்தில் புதிய முடியே வளராமல் வழுக்கை ஏற்பட அதிக வாய்ப்புள்ளது. எனவே, நரைமுடியைப் பிடுங்குவதைத் முற்றிலும் தவிர்க்க வேண்டும்.

======