Google Gemini Introduces 'Call For Me' Feature: AI to Make Phone Calls for Users
கூகுள் ஜெமினியின் புதிய தொழில்நுட்பம்
கூகுள் ஜெமினி ஏ.ஐ. தொழில்நுட்பத்தில் 'கால் ஃபார் மீ' எனப்படும் புதிய வசதி அறிமுகம் செய்யப்பட்டுள்ளது. இந்த வசதி மூலம் நிறுவனங்கள் மற்றும் கடைகளுக்கு ஏ.ஐ. தானே போன் செய்து நமக்குத் தேவையான தகவல்களைப் பெற்றுத் தரும்.
நேரடி போன் அழைப்புகளுக்கான தேவை
தற்போது வாட்ஸ்அப் மற்றும் இன்ஸ்டாகிராம் போன்ற சமூக வலைதளங்கள் மூலம் தகவல்கள் பரிமாறப்பட்டாலும், வீட்டு உபயோகப் பொருட்கள் சர்வீஸ், உணவகங்களில் டேபிள் முன்பதிவு மற்றும் புதிய பொருட்களின் விலை விவரங்களைக் கேட்க போனில் பேச வேண்டிய சூழல் உள்ளது.
ஜெமினி செயலியின் செயல்முறை
இதுபோன்ற சூழல்களில் பயனர்களுக்குப் பதிலாக ஜெமினி ஏ.ஐ. போன் செய்யும். மொபைல் போனில் உள்ள ஜெமினி செயலியில் 'கால் ஃபார் மீ' என டைப் செய்து, தொடர்பு கொள்ள வேண்டிய மொபைல் எண் மற்றும் தேவையான தகவல்களைப் பதிவிட வேண்டும்.
பயனரின் அனுமதி மற்றும் கட்டுப்பாடு
உதாரணமாக உணவகத்தில் டேபிள் முன்பதிவு செய்ய ஜெமினியிடம் தெரிவிக்கலாம். போன் செய்வதற்கு முன் எந்த எண்ணைத் தொடர்பு கொள்ளப் போகிறது மற்றும் என்ன தகவல்களைத் தெரிவிக்க உள்ளது என்பதை ஜெமினி சுருக்கமாக வழங்கும். அதை பயனர் சரிபார்த்து அனுமதி அளித்த பின் ஜெமினி அழைப்பை மேற்கொள்ளும்.
அமெரிக்காவில் சோதனையோட்டம்
ஜெமினி தன்னை அறிமுகப்படுத்திக் கொண்டு நமக்காகப் பேசி தகவல்களைப் பெற்றுத் தரும்.
எந்த நேரத்திலும் போனை ரத்து செய்யவோ அல்லது பயனர்களே நேரடியாகப் பேசும் வகையில் கட்டுப்பாட்டுக்குள் எடுக்கவோ முடியும்.
தற்போது இது சோதனை அடிப்படையில் அமெரிக்காவில் மட்டுமே செயல்பாட்டுக்கு வந்துள்ளது. அதிலும் குறிப்பாக அமெரிக்காவில் பிக்சல் 11 ஸ்மார்ட்போன் பயனர்களுக்கு மட்டுமே சோதனை அடிப்படையில் அறிமுகப்படுத்தப்பட்டுள்ளது. விரைவிலேயே உலக நாடுகள் முழுவதும் வரும் என்று எதிர்பார்க்கப்படுகிறது.
இதையும் படிங்க: டெங்குவுக்கு இனி ஒரே ஒரு ஊசி தான்! இந்தியாவின் 'டெங்கிஆல்' தடுப்பூசி: மருத்துவ உலகமே எதிர்பார்க்கும் மாபெரும் புரட்சி!
=======
